【職場熱話】職業無分貴賤只是謊言?文職打工仔轉地盤收入雖增 卻被家人看不起要求轉工

理財智慧 19:32 2022/08/02

分享:

分享:

我們從小就被教懂「職業無分貴賤」,不過踏入社會後卻往往發現現實並非如此,事實上社會處處都充滿著偏見及刻板印象。有打工仔近日向社交平台專頁《奴工處》投稿,自稱從事文職工作數年,近期轉戰地盤工作,明明收入增加了,卻被家人看不起要求轉工,不明白做地盤有何問題。

【青姐話】睇業績、聽消息   欠靈活、難搵食

有網友就首先安慰事主,家人儘管口裡說不,但考慮到地盤環境較辦公室危險,「其實未必睇你唔起,係擔心你」、「怕你辛苦啫,唔好覺得睇唔睇得起一個人,係只因為搵幾多錢先得㗎。」另外多位網友就提議,可以通過增加家用的方式來讓家人接受現實:「搵日喺佢面前數下現金,佢就自然收嗲」、「家用畀多一倍佢哋,即刻睇得起你」。有網友甚至提議升級行動,以取消家用的手段來強逼家人就範:「唔使一定要得到佢地理解,佢地再嘈家用都唔好畀,完。」

事實上,大量網友都覺得做地盤並無問題,原因之一是寫字樓白領工作,其實未必適合每一個人。「講真,唔係人人啱坐定定對電腦做文職嘅」、「我屋企人都有咁同我講,讀咁多書,返份文員咪好囉,但係我自問唔鍾意亦未Ready好坐Office做個普通嘅Clerk做到退休囉。」另一位網友就純粹從收入出發,深信搵得多的就是好工作:「身處呢個睇唔透將來嘅世界,無論咩工作,只要無違背良心無犯法,揾得越多越好。」

【延伸閱讀】【職場熱話】打工仔主動比平日更落力工作 換來老闆嫌棄「原來你平時不努力」 打工十載悟真理:努力工作是蠢事

【延伸閱讀】【職場熱話】香港地12K月薪都生存到?打工仔集思廣益找原因 要住公屋、有租收及毋須畀家用

有網友更鼓勵事主,只要職業生涯規劃做得好,做地盤一樣可以有不錯前景。「做地盤識啲好技術嘅人跟佢學嘢再加大地盤圈子,做室內裝修仲好賺,聽同事講佢朋友咁樣,月入十幾廿皮。」

地盤往往都是男性主導的世界,有網友就認為,相比一些由女性主導的職場,或許可以避開麻煩的辦公室政治,有網友對此表示共鳴:「喺地盤真係冇咁多宮心計,最多俾人鬧一鑊,第二日又冇事,我依家就係轉咗上去做Office,一多女人又煩,九唔搭八都可以針對,煩到嘔。」當然,這種充滿性別角色定型的言論,實在見仁見智,事實未必如此。此外,也有網友不認為做地盤就一定可以避開人事問題:「我同你講啦,天下烏鴉一樣黑,你太年輕了,行行都係一樣」、「有人嘅地方,就有江湖」。

【延伸閱讀】【職場熱話】接待員工作面試被HR評不夠靚 質疑職位要求明明沒寫明 急問平機會是否受理外貌歧視?

【延伸閱讀】【職場熱話】踏入社會工作一年懷疑人生 打工仔自歎「返工返到好厭世」 無法想像還要捱多幾十年

有網友提醒事主,工作由自己選擇,利弊自己最清楚,家人反對是一回事,跟家人解釋完自己為何這樣選擇亦屬應份,但歸根究底都屬個人決定。「因為就算你聽家人講去選擇,失敗卻係要自己獨自承受。」

另一位網友就對此舉例,為順應家人意見離開地盤工作,結果最後搞到事業「兩頭唔到岸」:「幾年前我識得一位人兄,佢未喺地盤做紮鐵之前係做學校老師,因為頂唔順學校行政各方面的壓力轉行做紮鐵,佢話幾好搵吓,但家人反對只因為供你讀咗咁多年書,冇理由走去做咁嘅工,所以唯有辭工去做修理文儀器材……但修理文儀器材收入始終冇得同老師及紮鐵相比,所以最後做咗年零到就辭咗職」。由此可見,在職涯規劃上有時候擇善固執堅持己見,或許會是更好的選擇。

【室內設計】20年樓齡二手樓大翻身!北歐風裝潢設計簡約清新 長形廳活用L形櫃增儲物空間【下一頁

    點擊圖片放大
    +31
    +30

【溫股知新】港股又破位 部署要諗計

【《iMoney》最具國際視野的資理財創富頻道 -- 融滙國際最好、最新的投資理財智慧及方法,讓讀者盡快踏上「財務自由」之路】

#免費下載《香港經濟日報》App: http://onelink.to/8svabv

#國際視野 精明理財 盡在iMoney網站【imoneymag.com

#如欲查看更多iMoney全新網上專欄的內容請【https://bit.ly/2zJY7DJ

#即Like iMoney智富雜誌 專頁【設定為 搶先看/See First】搶盡投資先機

責任編輯:嚴浩文

開啟hket App,閱讀全文
緊貼財經時事新聞分析,讚好hket Facebook 專版
訂閱《香港經濟日報》電郵通訊
收取第一手財經新聞資訊 了解更多投資理財知識 提交代表本人同意收取香港經濟日報集團所發出的推廣訊息,你也可以查閱本網站的私隱政策使用條款
訂閱《香港經濟日報》電郵通訊
收取第一手財經新聞資訊 了解更多投資理財知識 提交代表本人同意收取香港經濟日報集團所發出的推廣訊息,你也可以查閱本網站的私隱政策使用條款