【職場熱話】打工仔主動比平日更落力工作 換來老闆嫌棄「原來你平時不努力」 打工十載悟真理:努力工作是蠢事

理財智慧 21:10 2022/08/01

分享:

分享:

俗語有云「一分耕耘一分收穫」、「努力就會有回報」,然而不少踏入社會多年的打工仔卻發現,這些原來都只是騙小孩的謊話。社交平台專頁《奴工處》近日收到投稿,事主表示打工十年,才終於悟識到職場真理「努力工作是蠢事」。事主解釋,如果你的工作並非佣金制而是固定薪金制,在並非多勞多得的情況下,就千萬不要努力工作。「因為例如如果你有一日心情好,比平時努力做嘢,喺你眼中係『我比平時更努力工作』,但喺老闆嘅眼中係「原來你平時唔努力工作」,於是原本你美好嘅職場生活就這樣被你嘅努力摧毀了」。

【青姐話】睇業績、聽消息   欠靈活、難搵食

這種僱主方面的「認知偏差」,惹來不少打工仔的同感。「通常人都是慣咗『老馮』,你一開波十成力,一跌少少都足夠令人覺得你懶咗,其他人不會諗究竟有無Appreciate你過去那十成的努力」、「或者平時都出150%力,當你某日只出120%力時,你就係『懶散咗』」。有網民更指出「平時偷懶,關鍵時刻勤力」也許才是最佳辦公室生存策略:「平時OT嘅,老細唔會特別記起你,但緊要關頭平時唔OT嘅都肯OT,老細就會記得,人性~~」。

討論區的留言基本上一面倒支持事主的觀點,部分網友紛紛分享職場厭世毒雞湯:「扮工就好了」、「做得快,你做曬,做得慢,嘆世界」、「努力唔一定有回報,但唔努力一定好舒服」,對一眾充滿負能量的打工仔來說甚具療癒作用。

不少網友似乎都認定,老闆對打工仔的要求並無上限,只會不斷提升其產能目標,「玩佣金制度只要你一到Target咪愈Set愈高囉,做唔到又有說話聽」。有網友更加用「能者多勞,年年加辛」的親身經歷作說明。

【職場熱話】做政府工「懶慣」難轉會私企?打工仔意見分歧 同外面社會脫節VS有料去邊都得【下一頁

    點擊圖片放大
    +10
    +9

有網友則嘗試給予事主建議,工作時不要太過「上心」,因應薪水待遇做好本份就足夠:「所以打工仔做嘢結論都係你畀幾多錢就做幾多嘢,老闆無論如何都係覺得打工仔唔盡力,根本大家把尺都唔同,只能取個平衡,平衡唔到都係諗轉工,甚至轉行,都幾灰,老闆唔會覺得冇左你唔得,反之亦然⋯⋯所以都唔使諗咁多,諗多咗大家都受害。」另有網友則指出努力工作還是其次,更重要的是搞好人際關係。「梗係識人啦,不嬲都係靠人脈」、「識得埋堆更重要」。

一些網友更警告事主,一味努力工作甚或會有反效果,不僅會影響個人生涯規劃,甚至會令老闆出現錯誤解讀。「努力成就別人的夢想?努力學投資盡快財務自由好過啦,想打一世工咩?」、「做多幾年嘢,現實係:你咁努力做嘢,喺老細角度只會覺得你好需要份工,係我做老細俾個平台你搵錢。」

【室內設計】20年樓齡二手樓大翻身!北歐風裝潢設計簡約清新 長形廳活用L形櫃增儲物空間【下一頁

    點擊圖片放大
    +31
    +30

 

【溫股知新】靜待儲局議息   個股超多消息

【《iMoney》最具國際視野的資理財創富頻道 -- 融滙國際最好、最新的投資理財智慧及方法,讓讀者盡快踏上「財務自由」之路】

#免費下載《香港經濟日報》App: http://onelink.to/8svabv

#國際視野 精明理財 盡在iMoney網站【imoneymag.com

#如欲查看更多iMoney全新網上專欄的內容請【https://bit.ly/2zJY7DJ

#即Like iMoney智富雜誌 專頁【設定為 搶先看/See First】搶盡投資先機

責任編輯:嚴浩文

開啟hket App,閱讀全文
緊貼財經時事新聞分析,讚好hket Facebook 專版
訂閱《香港經濟日報》電郵通訊
收取第一手財經新聞資訊 了解更多投資理財知識 提交代表本人同意收取香港經濟日報集團所發出的推廣訊息,你也可以查閱本網站的私隱政策使用條款