【職場熱話】請AL見工被踢爆 上司要求暫停搵工 打工仔感兩難 「擔心佢覺得我沒義氣」

理財智慧 18:07 2022/07/21

分享:

分享:

人望高處,打工仔想提升人工,搵工跳糟自然是最快捷的途徑,不過近日有網民在網上討論區發帖,指自己幾次請年假(AL)去見工,終於被上司發現,要求他暫時不要搵工住,令網民感覺陷入兩難。

網民請年假搵工被發現經歷:

    點擊圖片放大
    +8
    +7

同場加映:【溫股知新】恒指處於關鍵位 七小福再同你睇

此帖發表後,惹來網上熱烈討論,有不少網友力撐發帖者,認為請年假是打工仔的權利,不用理會他的上司,表示「請年假基本不用講理由,年假係法例要求,主管只是大你」、「唔批AL咪SL囉」、「佢叫你走,你可以走,仲可以要求賠錢。點解唔走? 怕搵唔到工?」、「梗係走啦,就算你搵唔到留低,而家都搞到面左左啦,實玩死你」

也有意見認為網民搵工不應太高調,一旦被上司知悉,即使不走亦必定被針對。「你認為咁樣揚左你會有好日子過咩?唔係話唔可以騎牛搵馬,但你搵工搵到咁揚,完全唔俾面,公司上級玩針對都好正常!」、「下次醒水啦,如果唔係想留公司,咁唔好咁直接同上司講,如果你都有心,都仲可以講下條件」、「乜你咁蠢㗎,搵工緊係靜靜雞,死口唔認啦」

其他網友回應:

佢知道你有離心就算留你都只因暫時缺人,決定了走的話根本冇需要想太多。打工而已,啱做就做唔啱就走正常不過,今日你唔走,以後佢玩你就後悔啦

你係有心走佢出到聲你做乜唔走?俾我就問返佢:你而家係咪即炒?定我俾信你?

把口喺自己度,死口唔認人哋都冇符,人哋只係試探下你,你自爆攞嚟衰。依家爆咗就積極搵工啦

唔使講大話,你話有私人事要做咪得囉,上司唔係家人,唔使交待得咁清楚

有機會點解要放棄?掉返轉,公司想減薪裁員果時,老闆會唔會等我供完層樓之後先呢?

同場加映:【青姐話】唔殘唔彈 似有期盼

【《iMoney》最具國際視野的投資理財創富頻道--融滙國際最好、最新的投資理財智慧及方法,讓讀者盡快踏上「財務自由」之路】
#免費下載《香港經濟日報》App: http://onelink.to/8svabv
#國際視野精明理財盡在iMoney網站【imoneymag.com
#如欲收看更多財經評論影片請登入iMTV+【https://bit.ly/3vHyRIn
#即Like iMoney智富雜誌 專頁【設定為搶先看/See First】搶盡投資先機

責任編輯:李兆明

 

開啟hket App,閱讀全文
緊貼財經時事新聞分析,讚好hket Facebook 專版
訂閱《香港經濟日報》電郵通訊
收取第一手財經新聞資訊 了解更多投資理財知識 提交代表本人同意收取香港經濟日報集團所發出的推廣訊息,你也可以查閱本網站的私隱政策使用條款