【一起酒過的日子@iM網欄】Rosé香檳 預備好情人節香檳未?

名人薈萃 08:57 2022/02/11

分享:

分享:

點解同另一半慶祝一定要飲香檳?

唔知,不明文規定就係不明文規定,如果入住酒店是為了慶祝什麼周年的話,酒店方一般都會送一支香檳,唔理你飲定唔飲,直接放入冰桶。

你會唔會見酒店送一支威士忌或者一打啤酒俾你?

可能因為香檳有氣、杯身幼elegant得嚟飲落又唔膩掛,反正我同好多男士一樣都有跟開呢個遊戲規則。

至於下星期嘅情人節,新嘅限聚令之下冇得周圍去,喺屋企得兩個人,你要浪漫,就不如再上一個層次,開Rosé香檳(粉紅香檳),淨係個名都已經夠殺食。

Rosé 香檳之所以係粉紅色,係因為釀酒時把黑葡萄(一般是 pinot noir)連皮短暫浸泡在葡萄汁中,浸皮時間因酒莊而異。

同場加映︰【溫股知新】恒指區間上又落 高息國策股落鑊

另一個造法比較繁複,要把輕輕搾取得來最深色的葡萄汁(又是黑葡萄),拿去進行二次發酵。這個釀法叫 Saignée,一般以Saignée 釀製的Rosé香檳, 顏色會比較深一點。

最後就是Assemblage。這個造法相對簡單,只是將少量的紅酒(一般是7%至15%)加入白香檳酒一起釀制, 紅酒的比例大概可以從成品中的顏色深淺度看得出。

Rosé香檳產量比白香檳較少,而且比起一般香檳多一個步驟,所以釀酒的也乘機賣貴啲。 大家耳熟能詳的 Dom Perignon、Krug和 Cristal 都有出Rosé香檳。 今天的價錢,一般要從二千元開跳,絕對唔平。

當然除了大牌的名字,其他的酒莊也有Rosé香檳出息的代表,例如 Billecart-Salmon和比較少人認識的Jerome Prevost,都一定唔會失禮。

值得一提:很多人喜歡投資Rosé香檳,因為送禮同宴客都得體,長遠升幅一般都不錯的。

作者_張天遠簡介:

前傳媒人丶品牌策劃雜工。深信讀萬卷書不如飲萬杯酒,轉轉折折間開始深入研究農戶香檳(Grower Champagne),並強逼身邊朋友邊飲香檳邊聽我嘮叨香檳故事。夢想開一家良心有性格的香檳吧。

更多一起酒過的日子@張天遠的文章請按此
如欲查看更多iMoney網上專欄的內容請按此
即睇iMoney全新網站【 imoneymag.com
#即Like iMoney智富雜誌 專頁【設定為 搶先看/See First】搶盡投資先機!

開啟hket App,閱讀全文

撰文 : 張天遠

欄名 : 一起酒過的日子

緊貼財經時事新聞分析,讚好hket Facebook 專版
訂閱《香港經濟日報》電郵通訊
收取第一手財經新聞資訊 了解更多投資理財知識 提交代表本人同意收取香港經濟日報集團所發出的推廣訊息,你也可以查閱本網站的私隱政策使用條款
訂閱《香港經濟日報》電郵通訊
收取第一手財經新聞資訊 了解更多投資理財知識 提交代表本人同意收取香港經濟日報集團所發出的推廣訊息,你也可以查閱本網站的私隱政策使用條款