【跑呀跑,跑咗去邊?@iM網欄】聖誕跑勻全港海濱 捕捉多區靚靚聖誕樹

名人薈萃 08:24 2021/12/16

分享:

分享:

又到聖誕,又到聖誕…話咁快又到聖誕節,每年香港多區除咗滿佈燈飾之外,亦佈置了不同特色的聖誕樹,今次就帶大家四處跑,去睇下啲聖誕樹有幾特別。

1. 荃灣用腳踩的聖誕樹

住荃灣又或者鍾意卡通人物癲噹的朋友,相信都已經知道癲噹擺設已進駐荃灣西海旁好一陣子,最近有關當局再獻新猷,呈獻「維港癲噹聖誕遊樂園」,包括5米高要用腳踩才會著燈的聖誕樹,以及4.2米高的癲噹雪人,現場還有聖誕癲噹滑梯及氹氹轉,以及細小得意的癲噹聖誕車等,一家大細玩小朋友一定最開心。

位於荃灣西的癲噹聖誕樹,旁邊設有腳踏裝置,只要踩上腳踏聖誕樹就會亮燈,很可愛。

2. 西九20米高聖誕樹

今年聖誕小鎮首次移師至西九文化區藝術公園海濱草坪,逾6層高高20米的聖誕樹,配有音樂及特別閃燈效果,加上聖誕小屋等,定必成為聖誕節打卡熱點。配合最近M+博物館開幕,要在西九玩足一日話咁易,但未到聖誕的星期六日已見現場人士眾多,大家要有心理準備排隊要排好一段時間,當然若只想影大大棵聖誕樹,在外圍影已經夠晒靚。

全港最高聖誕樹進駐西九文化區,吸引不少市民前往。

3. 尖沙咀名牌聖誕樹

位於尖沙咀K11 MUSEA對出有13米高名牌Cartier紅金聖誕樹,每晚配有燈光及音樂表演,閃爍奪目。影完相還可以走上商場六樓的聖誕節村,配有金光閃閃的金光拱門,由一眾工程師及20位工匠合共用了超過1,500小時合力建成,不容錯過。

尖沙咀紅金聖誕樹在晚上特別耀眼。

4. 灣仔Chill級聖誕樹

位於灣仔碼頭旁的 HarbourChill 海濱休閒站,可謂聖誕樹大結集,當中最吸晴必定是8米高的巨型聖誕樹,仿馬戲團帳幕設計七彩繽紛。另外圍繞此樹旁有多個3米高左右、位於另外五個海濱所展出聖誕樹的迷你版,包括Chocolate Rain及癲噹等,各有特色。

 

位於灣仔碼頭旁的8米高馬戲團主題聖誕樹,五光十色十分搶眼。

HarbourChill擺放著多個迷你聖誕樹,圖中為Chocolate Rain聖誕樹。

5. 卑路乍灣糖果聖誕樹及金鐘添馬波波聖誕樹

卑路乍灣海濱長廊自開放後深受大小朋友歡迎,場內多個移動裝置可以大玩特玩,在聖誕期間更化身成為糖果樂園。除了5米高的糖果聖誔樹,場內更有多個以冬甩形狀的可移動裝置及糖果滑梯等。至於金鐘添馬海濱長廊聖誕樹由紅綠波波組成,亦帶有濃濃的聖誕氣氛。

卑路乍灣聖誕樹以聖誕糖果為主題。

金鐘添馬紅黃綠波波聖誕樹。

想一次過跑晒咁多個景點,睇晒咁多個聖誕樹?可以由卑路乍灣出發,沿海濱長廊一直跑到灣仔碼頭再坐船往尖沙咀,跑到星光大道睇完紅金聖誕樹掉頭,再跑去西九文化區,然後沿廣東道及渡船街跑去奧運,再經海輝道海旁跑到南昌,坐多兩個站去荃灣西就可以睇埋癲噹聖誕遊樂園啦!當然若果你好氣好力,可以繼續跑到美孚,經荔景山路、葵涌運動場及楊屋道到荃灣西,大約25公里左右,有無興趣一齊跑隻聖誕半馬先?

作者_Clayton Lauw(劉茸)簡介:

跑齡10多年的傳訊公關,跑咗20個馬拉松,辛苦跑來志在食,所以易肥難瘦,每次增磅都係跑步的推動力,2020年5月有幸成為虛擬跑步比賽「Runner’s World HK V-Run 2020」男子公開組冠軍

更多跑呀跑,跑咗去邊?@Clayton Lauw的文章請按此
如欲查看更多iMoney網上專欄的內容請按此
即睇iMoney全新網站【 imoneymag.com
#即Like iMoney智富雜誌 專頁【設定為 搶先看/See First】搶盡投資先機!

開啟hket App,閱讀全文

撰文 : Clayton Lauw(劉茸)

欄名 : 跑呀跑跑咗去邊?

緊貼財經時事新聞分析,讚好hket Facebook 專版
訂閱《香港經濟日報》電郵通訊
收取第一手財經新聞資訊 了解更多投資理財知識 提交代表本人同意收取香港經濟日報集團所發出的推廣訊息,你也可以查閱本網站的私隱政策使用條款
訂閱《香港經濟日報》電郵通訊
收取第一手財經新聞資訊 了解更多投資理財知識 提交代表本人同意收取香港經濟日報集團所發出的推廣訊息,你也可以查閱本網站的私隱政策使用條款