【樓市熱話】太子道西殘爆唐樓 800呎月租開價2.2萬 網民轟九龍城扮九龍塘 「蔗渣當燒鵝賣」

理財智慧 19:17 2021/10/18

分享:

市區唐樓由於樓齡較舊,租金往往相對較平,但有業主在社交媒體發帖,以月租2.2萬元出租800呎唐樓,稱位於太子道西、九龍塘名校網,但卻被網民一面倒炮轟,指該唐樓實際是位於九龍城而非九龍塘,而且唐五樓沒有電梯還要2.2萬租金,是「蔗渣當燒鵝賣」。

出租單位相片:

    點擊圖片放大
    +16
    +15

該業主在Facebook專頁「自己物業自己放,租買免佣」發帖,指單位位於「九龍塘太子道西 (唐五樓)」,有2巨房、1巨廳、並有特長免租期,單位面積806呎,每月租金22,000元。

據他形容,單位光猛,位處名牌校網,2分鐘可步行到宋皇臺站,飲食購物交通方便。業主盤免佣,包差餉及管理費。至於睇樓時間星期一至五下午3時至6時。

根據業主提供的相片,該單位位處的大廈,地下入口有一個招牌寫著「桃園賓館」,往樓梯直上5層,可到達門口。由於是唐樓關係,單位內櫳顯得很闊落,客飯廳也算光猛。不過,就照片所見,單位內並沒有任何裝修或提供家具,而廁所及廚房更是相當殘舊,要入住的話相信要翻新一下。

此帖一出,網民反應異常熱烈,紛紛斥發帖者離地,直指該處根本不是九龍塘,而是九龍城,表示:「業主連九龍城同九龍塘都未識分」、「如果福佬村道都係九龍塘,咁鯉魚門道都係新蒲崗啦」、「九龍城舊到咁嘅樓$22000?$22000住銅鑼灣/跑馬地/天后都得啦!人地有埋新裝修,仲有lift添!」、「九龍城同九龍塘校網就係以聯合道作為交界位,你呢度叫九龍城呀大佬,仲有好心裝修吓啦,個廁所見到都嘔」

此外,不少網民認為唐5樓要行5層樓梯,租金2.2萬元是超高,回應道:「唐樓最好係2樓和3樓,5樓好多人唔可以一口氣行上去」、「唐5樓開$22000,好想知咩因素定出呢口價」、「碧華花園,喇沙嗰啲就九龍塘,太子道西好長,你呢度是九龍城,唔好誤導人,你唐5、800呎$22k? 唔好亂開價,又冇裝修,係呢啲業主喪推高哂所有租金」、「唐五$22000 租得岀真係瞓著都識笑」

其他網民回應:

九龍塘太子道西高層 $22000,九龍城福老村道唐5樓 $8000

以前試過住唐5樓,靚裝、平租、大,一切覺得10分美好。點知住咗唔係好耐,慢慢覺得喺屋企唔想出去,喺街唔想返屋企⋯要買日用品拎得多嘢嘅時候特別慘

樓下仲無鐵閘,仲有賓館,夜晚反屋企都好驚吓,租一萬都唔租

唐樓真的唔好住得高,衞生情況加樓梯窄及黑,仲要樓下是賓館,有急救事起上黎,真是救唔切

22000一個月,仲要日日行樓梯, 又平又健康, 仲有咁豪華嘅裝修,太奢侈了

延伸閱讀:

【樓市熱話】姐屋企裝修回娘家暫住 與姐夫霸佔睡房  妹呻被迫瞓廳  網民:有錢裝修冇錢租地方

【樓市熱話】5年前賣自住樓賺2球  最終與老婆離婚收場  網民:一個抉擇影響一生

【樓市熱話】親戚在單位內過身 市值450萬 子女欲賣樓憂心變凶宅  網民:自然死亡不算凶宅

同場加映:【青姐話】港股冇路捉 要谷定係縮

【《iMoney》最具國際視野的資理財創富頻道 -- 融滙國際最好、最新的投資理財智慧及方法,讓讀者盡快踏上「財務自由」之路】

#免費下載《香港經濟日報》App: http://onelink.to/8svabv

#國際視野 精明理財 盡在iMoney網站【 imoneymag.com 】

#如欲查看更多iMoney全新網上專欄的內容請【https://bit.ly/2zJY7DJ

#即Like iMoney智富雜誌 專頁【設定為 搶先看/See First】搶盡投資先機

記者:李兆明

 

 

緊貼財經時事新聞分析,讚好hket Facebook 專版
訂閱《香港經濟日報》電郵通訊
收取第一手財經新聞資訊 了解更多投資理財知識 提交代表本人同意收取香港經濟日報集團所發出的推廣訊息,你也可以查閱本網站的私隱政策使用條款