【一起酒過的日子@iM網欄】飲酒要新奇,唔可以悶

名人薈萃 22:28 2021/09/09

分享:

酒齡有番咁上下的人,一般都是犯賤的。

 

首先,唔貴唔買,而且愈買愈貴,但買完又唔捨得飲。

 

第二,慣了一種口味,又衰花心,要無止境地追求新的味道。

 

有位威士忌酒評人叫 Jim Murray。記得在2015年,他在年度威士忌天書中,語出驚人,把傳統蘇格蘭威士忌打出五強。

 

冠軍的竟是2013年入樽的日本威士忌山崎18年。第二、三名是大家認為「好一般」嘅美國威士忌。

 

威士忌對蘇格蘭人來說係驕傲,係國粹。你試想象下,如果有食評人讚法國人做的雲吞麵比九記的出色,那種感覺是多麼的震撼。

 

但事實就是這樣。消息一出,全部18,000支山崎18年被秒速掃清。

 

行內人都說這個結果,不是因為蘇格蘭威士忌退步了,而是取決於日本威士忌給Jim Murray在味覺上帶來的新鮮感,與本身威士忌的質素沒有直接關係。

 

說到尾,味道是 subjective 的,有時候新就是好。就如一位前輩說:「新鮮呀嘛,就好似有啲人咁,明知老婆好,又最明白你,但都係要出去玩咁囉。」

 

今年,香檳廠 Louis Roederer 可能明白到大家這個心態,宣布了一件有關的大事。

 

以往他們每年的入門級香檳(亦即是冇年份的 Non Vintage NV),一般都是務求味道consistent,不輪是你八年前買,今年買,或是十年後買,飲到的味道都是一樣的 house blend。

 

Louis Roederer最近就打破傳統,宣布停產入門級的NV,改為multi vintage,即是以一個年份的提子為base,例如 2018年,再混入一點其他年份的陳酒。結果就是每年推出的味道都會有所不同。

 

類似的做法,其實其他香檳廠如 Krug 和 Jacquesson都已經開了先河。

 

現在,就連入門級的 Louis Roederer 香檳,每年都有新鮮感,每年都有追求新的味道的感覺。而如果咁啱base wine是好年份的提子,香檳又順便可以加價,這樣一來就不怕大家犯賤了。

作者_張天遠簡介:

前傳媒人丶品牌策劃雜工。深信讀萬卷書不如飲萬杯酒,轉轉折折間開始深入研究農戶香檳(Grower Champagne),並強逼身邊朋友邊飲香檳邊聽我嘮叨香檳故事。夢想開一家良心有性格的香檳吧。

更多一起酒過的日子@張天遠的文章請按此
如欲查看更多iMoney網上專欄的內容請按此
即睇iMoney全新網站【 imoneymag.com
#即Like iMoney智富雜誌 專頁【設定為 搶先看/See First】搶盡投資先機!

撰文 : 張天遠

欄名 : 一起酒過的日子

緊貼財經時事新聞分析,讚好hket Facebook 專版