【英倫的天空@iM網欄】入住英國屋 、打理花園有秘訣

名人薈萃 18:48 2021/08/30

分享:

 

好多香港朋友來到英國,都會租住有私人花園的房屋,感受下家有私人樓梯上落及花園的滋味,特別是英國的House 同分層單位的租金相差不多,而英國房屋的空間感總能滿足一家人各方面需求,媽媽立即有個偌大的廚房,爸爸有車位泊返架靚車,小朋友又可以有私人空間;在花園中間放個彈跳床都重得。

「大衞叔叔,入住屋仔真係好開心;有個設備齊全的大㕑房;太太立即廚神上身,好有心機研究廚藝;但太太要我負責打理花園;我現在老鼠拉龜,無從入手?」

很多香港人都沒有園藝經驗,當然會懊惱點樣打理屋企嘅小花園,要栽種那類品種嘅花草,同埋點樣保養花園草皮。首先;必須添置基本的園藝工具 — 剪草機 (見議用叉電式)用來鏟草;剪草機寧願貴少少買架好的,工欲善其事,必先利其器,朋友貪平買了架駁電線的剪草機;又要拉拖板;又驚剪草剪埋電線;最後後悔不已。另外是園藝鉸剪、有不同呎吋選擇;用來修飾枝葉,此外手套,泥鏟等小工具也是基本的。

選購工具可以去英國的 Homebase, B&Q, Wayfair, Wilko 比較下。另外;如在倫敦介紹你去位於Fulham 的 The Palace Gardener ;該公司提供工具外,還有室內同室外植物、戶外傢俬、園藝燒烤爐,同埋一系列嘅種植、設計同維護服務。中心的園藝師對戶外植物同園藝有豐富嘅知識,熱情地解答客人嘅疑問。

 

The Palace Gardener 入口放置各種精美嘅花藝,還設美麗的戶外花園區,種滿新鮮嘅香草同各式花果盆栽。店舖內設置一間精緻的玻璃屋咖啡館 - Glasshouse Cafe,咖啡館由富餐飲經驗嘅意大利家庭 Massarellas 經營。咖啡館運用新鮮、優質嘅蔬菜製作輕食、水準很好。咖啡館亦貼心提供適合小朋友嘅兒童菜單,家長帶孩子同小狗嚟咖啡館可以盡情放鬆心情,邊聊聊天,邊吸取靈感佈置花園。

園藝也是英國人文化之一;將花園打理得井井有條,滿綠繁錦,既滿足又得到家人朋友欣賞,而且種植花草也是很好的心靈治療方法。提醒大家如果家裏有大樹;則最好找專業人員修理樹幹,始終爬高有危險;不要免強自己來。

作者_大衞叔叔(姚大衞)簡介:

為Hopeland Academic總監,多年來因工作原因一直於香港和英國兩地遊走。他熟悉英國的生活環境,不論是居住投資,移民政策、或是家長最關注的英國升學,大衞叔叔也樂意分享個人經驗和心得。

更多英倫的天空@大衞叔叔(姚大衞)的文章請按此
如欲查看更多iMoney網上專欄的內容請按此
即睇iMoney全新網站【 imoneymag.com
#即Like iMoney智富雜誌 專頁【設定為 搶先看/See First】搶盡投資先機!

緊貼財經時事新聞分析,讚好hket Facebook 專版