【職場熱話】30歲打工男供樓兼要俾家用 嘆「月入3萬買唔到車」 網民:買樓重要啲

理財智慧 18:43 2021/08/26

分享:

放假開車去兜下風,是不少男士視為寫意生活的一環,但香港地養一架車的洗費確很高昂。有網民在討論區發帖,指自己月入3萬元,但卻買不起車,要日日迫巴士地鐵,很羡慕有車一族,結果帖文一出引來不少網友回應,直指「買車容易養車難」。

該網民介紹自己今年30歲,月入3萬元,供樓已用去1.2萬元,另給屋企家用1萬元,如果要再花6,000元養車,每月只剩低2,000元食飯。但眼見不少後生仔都有揸車,覺得很羡慕,他就要迫巴士、地鐵,因此覺得很感嘆。

此帖引起網友熱烈回應,普遍認為在香港養車太難,「香港養車絕對係奢侈品,冇需要」、「我5萬蚊人工都覺得買車好平,養車好貴,搭下的士羅湖去到柴灣都係400,Uber頂晒都是600至700,都係坐車抵啲」、「如果緊緊夠,真係唔好揸車,你要儲錢買車,買完又要整又要其他費用,基本上幫架車打工」。

【延伸閱讀】【筍工推介】民政事務局招行政經理  月薪5.8萬元  入職條件一覽【見下頁

    點擊圖片放大
    +16
    +15

亦有不少網友表示在香港買樓更實際,而該網民已在供樓,不要考慮買車,「買樓重要啲,車喺垃圾」、「樓係資產,車係消耗品,香港地就算買部錢七都要成萬蚊個月養,有閒錢不如儲錢買多層樓,何況無」。

其他網友回應:

好羨慕6千養到部車,我屋企車場月租都5千幾了

除非屋企加公司樓下都有車位,否則養架車只供放假用成本係勁貴。每星期去租架車揸兩日仲抵,個個星期揸唔同款

香港揸車攞苦嚟辛,塞車、泊車嘥時間嘥精神,買車當然要請司機揸先夠舒適

我之前養過十幾年車,每個月交停車場連油錢都成5千,自從個仔大咗唔使車出車入,年年都可以去日本滑幾次雪

同場加映:【孫子市法】契媽散戶齊齊掃 買中概股啱哂數?

【《iMoney》最具國際視野的資理財創富頻道 -- 融滙國際最好、最新的投資理財智慧及方法,讓讀者盡快踏上「財務自由」之路】

#免費下載《香港經濟日報》App: http://onelink.to/8svabv

#國際視野 精明理財 盡在iMoney網站【imoneymag.com

#如欲查看更多iMoney全新網上專欄的內容請【https://bit.ly/2zJY7DJ

#即Like iMoney智富雜誌 專頁【設定為 搶先看/See First】搶盡投資先機

記者:李兆明

 

緊貼財經時事新聞分析,讚好hket Facebook 專版