【英倫的天空@iM網欄】英國稅務多 和您解構市政稅

名人薈萃 14:40 2021/08/18

分享:

 

 

 

英國稅務多而密,有如魚網將你一網打盡。很多香港朋友來英定居要有心理準備。除了入息稅可高達四成,銷售稅可高達兩成,當然很多港人透過BNO初來報到,未必立刻投入工作;暫時避免入息稅;但一有地址就要開始俾市政稅、即Council Tax 。所以今日就會同大家講吓英國嘅Council tax 究竟係咩。

 

係英國,政府管理大事項大方向,地區工作就下放給所屬的市政局;即是council 做,每一個區每一個城鎮都有自己嘅council ,全英有多達333個council ,英國首都倫敦已經有32個唔同市政區borough councils 。

 

每一個市政區都會向區內所有物業單位收取市政稅 council tax ,收取的費用就會用來維持當區的公共設施及持續發展,包括公立學校營運資金,道路及街燈維修,垃圾清理,古舊建築物維修等等。

 

無論是租樓或買樓都需要付市政稅嘅,如果多過一個人住喺同一個物業,一般會用業主名稱或是簽租約的用戶去負責交市政稅。此外,外交官員,精神病人士,同18歲以下小朋友或者全職學生可以豁免。

 

學生豁免手續費好簡單、向所屬council出示有效學生證明文件就可以了。

 

 

「大衞叔叔,如果我地一家四口,我有兩位小孩,那麼是否跟人數減半?」

 

不是,家長依然要給予全數費用,除非整間屋都是孩子住就不用付市政稅,不過此情況應該很罕有吧!

 

有好多本地人都唔知道,市政稅都會有折扣的,例如如果你是獨居,就可以申請一個75折找數,如果你係投資一個物業,而物業等緊放租暫時係空置嘅,就可以同申請半價折扣。但英國不同市政區有時程度有差異;最安全向所屬的市政區查詢。

 

每個市政區都各自有收費表;但大原則是跟據不同級別收費,由band A至到band H,band A嘅收費就會係最平,band H 就係最貴,由低至高有八個等級。稅收一般會根據你嘅房屋價值、地段、能源消耗量再計出council tax 嘅金額。所以一般來講呢分層單位的市政費就會比獨立屋平。由band A每年 數百鎊至band H 可達幾千鎊不等,用地址就可以向自己所屬的市政區查詢費用。

 

市政稅收據是英國最有力嘅地址證明,去銀行申請戶口,車牌或是幫小朋友報讀官立學校必備;有如戶籍一樣。有時間,也可詳細參閲所屬政市區的網站;會有當區很多有用資訊。

 

 

作者_大衞叔叔(姚大衞)簡介:

為Hopeland Academic總監,多年來因工作原因一直於香港和英國兩地遊走。他熟悉英國的生活環境,不論是居住投資,移民政策、或是家長最關注的英國升學,大衞叔叔也樂意分享個人經驗和心得。

更多英倫的天空@大衞叔叔(姚大衞)的文章請按此
如欲查看更多iMoney網上專欄的內容請按此
即睇iMoney全新網站【 imoneymag.com
#立即訂閱掌握投資創富資訊【 https://imoney.hket.com/im/subscription
#即Like iMoney智富雜誌 專頁【設定為 搶先看/See First】搶盡投資先機!

 

撰文 : 大衞叔叔(姚大衞)

欄名 : 英倫的天空

緊貼財經時事新聞分析,讚好hket Facebook 專版
訂閱《香港經濟日報》電郵通訊
收取第一手財經新聞資訊 了解更多投資理財知識 提交代表本人同意收取香港經濟日報集團所發出的推廣訊息,你也可以查閱本網站的私隱政策使用條款