【跑呀跑,跑咗去邊?@iM網欄】30個跑步問題有無難倒你? 渣打虛擬跑獎品吸引又可做善事萬勿錯過

名人薈萃 08:31 2021/06/17

分享:

網上不時都會興起不同的熱潮,如果你喜歡食,近年應該加入不少和食有關的關注組,例如燒賣、沙嗲牛肉麵、餃子、海南雞飯等關注組。最近社交媒體圈子就興起發佈50條個人問題列表,只要將有關列表上載至社交媒體帖子或限時動態,朋友就可以按自己想知的問題問問當事人,相信不少人最近都有玩過。最近運動網站《運動筆記》就上載了30個跑步問題,小弟覺得幾有趣,在此就和大家分享有關問題之餘,亦分享自己一點跑步體驗。

呢30個跑步問題,你又答到幾多條?(圖片來源:運動筆記IG網站)

問題3:看到慢Jog幾多披這個問題(即慢跑速度多少),就會想起很多人說「跑步跑山騙子多」,不禁微笑。有時跑團一大班人去練跑或者比賽,大家講明六分披、唔夠瞓要慢jog,但結果是一個又一個的PB。最近香港跑山王黃浩聰在facebook發表有關UTMB(環勃朗峰越野跑)訓練課表帖文,幾值得有志去歐洲跑UTMB的朋友參考,聰Sir仲約大家一齊以「溫和pacing」練習,但當看到練習目標是7小時跑完港島徑、16小時跑完麥理浩徑時,小弟心諗:「唔駛十分鐘就見唔到尾燈了」。

有意參加聰Sir「溫和pacing」練習的跑友,就要mark低時間喇!(圖片來源:Wong Ho Chung黃浩聰facebook網站)

其實最近天氣熱,若晨跑或只能在午膳時間擠到時間跑,都實在只宜慢jog,小弟就六至七分披吧,若和朋友一起慢jog,八分披也問題不大的。

問題4:至於最愛跑哪裡,住開新界西的朋友,相信都會揀青山公路汀九及深井段,盡享清爽海風及雙橋美景(青馬大橋及汀九橋)。以前小弟住屯門元朗時,更經常坐車出去荃灣西起步,跑一課深井來回10-12公里。現時小弟已搬至荃灣西附近,反而想跑多些離島山徑,感覺更舒服。

青公汀九及深井段相信係唔少跑友的至愛跑步路段。

問題5:一個人跑還是和朋友跑,小弟更喜歡和朋友跑,無論是快跑或慢跑也是,快跑可以一起鬥速度,驅使你爆發力和持久力更上一層樓,隨時又可以PB(創下個人最佳時間);慢跑則可以談天說地,不經不覺已跑了一段長距離,亦會感到很滿足。

問題11:講到最欣賞的跑手,其實無特別,但由細到大,都會覺得女運動員有出色表現感覺很型,所以也會特別留意跑步出名的女運動員,小時候會留意長跑好手陳敏儀,當年的她創下多個香港長跑紀錄;現在當然會支持姚潔貞,以及一些跑界KOL 例如澳門張盈等,去年難得可以訪問她們實在緊張又開心,馬拉松sub 4 甚至sub 3 的女跑手,我都覺得很厲害。

問題16:說一句跑友才懂的說話,有沒有呢?練interval或tempo、跑五分披、PB、sub 3及UTMB等,相信大家經常爬跑步文章的話,都應該知道是什麼了。

問題17:至於說一句令跑友生氣的說話,雖然我未試過這樣比人話,但如果聽到這些句子,我諗亦會即時焫著,包括有:「你除咗跑步仲識咩?」「跑步無用的!」「你好得閒呀?成日跑!做好啲嘢先啦!」

問題20:紓緩壓力的問題,其實只要天氣舒適,慢跑半小時出一身汗,釋放安多酚的確可以減輕工作或生活壓力,人也輕鬆一點。

問題21:跑步有否帶來愛人?這就沒有,但因為跑步識了很多好朋友,或彼此更熟就真!大家都快些約你身邊的朋友仔,一起跑步開心一下吧!

講到一齊跑,以往每年都會舉辦香港馬拉松的渣打銀行最近有新搞作,渣打Together V-run 活動即日起公開接受報名,費用全免,只要在今年6月21至7月11期間每星期上載跑步里數就可以,若所有參加者的累積跑步里數達到每星期的指定目標(例如第一星期目標為一萬公里,若1,000人報名,每人跑10公里就達標),渣打就會每星期為香港青年藝術協會最少捐出100萬港元,支持「青年創意產業工作計劃」為畢業生提供工作機會。另外,參加者只要累積跑3公里就可獲電子證書,每星期首100名累積最多跑步里數的參加者更可獲最少200港元的電子購物禮券,咁吸引又可以做善事,跑開步嘅朋友,又或者想跑多啲步嘅朋友,記得登記喇!登記網站:http://togethervrun.viu.tv

渣打今次虛擬跑活動找來近期大熱跳唱組合Mirror 成員Anson Kong拍攝宣傳片,真係落重本又夠晒綽頭。(圖片來源:渣打銀行)

 

作者_Clayton Lauw(劉茸)簡介:

跑齡10多年的傳訊公關,跑咗20個馬拉松,辛苦跑來志在食,所以易肥難瘦,每次增磅都係跑步的推動力,2020年5月有幸成為虛擬跑步比賽「Runner’s World HK V-Run 2020」男子公開組冠軍

更多跑呀跑,跑咗去邊?@Clayton Lauw的文章請按此
如欲查看更多iMoney網上專欄的內容請按此
即睇iMoney全新網站【 imoneymag.com
#即Like iMoney智富雜誌 專頁【設定為 搶先看/See First】搶盡投資先機!

撰文 : Clayton Lauw(劉茸)

欄名 : 跑呀跑,跑咗去邊?

緊貼財經時事新聞分析,讚好hket Facebook 專版