【裝修熱話】又係朋友介紹中伏 戶主新入伙公屋 訂造傢俬錯晒位 廁所櫃迫到熱水爐都放唔落

理財智慧 20:10 2021/05/12

分享:

新居入伙裝修,是最開心也可能是最煩心的事情,遇到手藝不精的裝修師傅更是一肚氣。近日有網民在在Facebook專頁「家居裝修設計分享GROUP」發帖,指經朋友介紹找了師傅訂造傢俬,怎料卻多處出現甩漏,最離譜是廁所新櫃太貼熱水爐位,根本不夠位裝回熱水爐,師傅更一句「做家私唔會就你的電器」,激得事主嬲到喊。

女事主向《iMoney》表示:「單位係新拎的公屋,個師傅係朋友介紹,總共洗左都有6萬元。」她指還有1萬元尾數未找,但對方已不接聽她電話。對於今次的遭遇,她表現得仍深深不忿,說:「呢啲人害人不淺,比多啲人知都好。」

單位傢俬中伏位全面睇:

    點擊圖片放大
    +12
    +11

【裝修熱話】裝修廚房中大伏 錯信朋友介紹 港妻投訴師傅3宗罪 牆身鋼筋跌埋出來【見下頁

據她在Facebook上的帖文所指,師傅共犯上以下的7宗罪:

1 師傅拆牆腳線,L位,正常拆電視櫃嗰邊可以。點解要拆埋正方形嗰塊,師傅話一拆就成條起。

2 完全冇留位比啲電掣,結果在衣櫃開左個㝫,即係要開衣櫃,先可以開到個電掣,開㝫開到比老鼠咬咁

【室內設計】300呎房單位向上發展變「2房」 閣樓化身「迷你電影院」【見下頁

3 廁所裝櫃嗰個位,要拆熱水爐再裝,師傅冇問尺寸,結果做個櫃勁貼,搞到要cut爛個櫃先裝到熱水爐

4 師傅話佢地「做家俬唔會就你地啲電器」,設計嗰陣已經有同佢講過點整,逐樣好清楚講。每段錄音、每張相都有whatsapp,佢有聽,但冇跟住做,然後話「比左設計圖你,你話ok」

5 小朋友上格床做得勁淺,基本上放埋張床褥,半個人都突左上圍欄上面。事主表示之前whatsapp有講明個欄要做到尾同埋高啲,驚小朋友跌下來。上床條樓梯側邊無落板,跟本扶唔到就唔到力上去,老闆娘還要話「唔緊要架,上到架」

6 個電視櫃整成萬元,講好左點整,佢比個設計圖我,放幾塊層板就算

7 裝修完的垃圾要我哋自己清,佢哋唔包,上面有垃圾袋、師傅食完的飯盒、飲料,周圍塞個個櫃都有

網民回應:

被騙,告佢。遺返商品說明條例。

現場度尺根本知到撞制/電器, 度呎/出圖時就要解決,呢個係訂做傢俬公司嘅責任

根本經驗唔夠,求其做。細木工度呎應該要諗埋裝咗上去會唔會頂住其他嘢,佢應該剩係度完呎就交上廠做,做完就運落黎裝就算囉,根本就經驗唔夠。

一萬蚊尾數佢應該會豪俾你…

做到咁樣,1萬蚊都唔夠埋尾啦,度錯尺有咩問題應該自己負責,唔係瀨落個客到。度尺果個冇經驗,隨便拉個橫直高就算,咁不如個客自己拉尺淘寶訂,仲平一半

【《iMoney》最具國際視野的資理財創富頻道 -- 融滙國際最好、最新的投資理財智慧及方法,讓讀者盡快踏上「財務自由」之路】

#免費下載《香港經濟日報》App: http://onelink.to/8svabv

#國際視野 精明理財 盡在iMoney網站【 imoneymag.com 】

#如欲查看更多iMoney全新網上專欄的內容請【https://bit.ly/2zJY7DJ

#即Like iMoney智富雜誌 專頁【設定為 搶先看/See First】搶盡投資先機

記者:李兆明

緊貼財經時事新聞分析,讚好hket Facebook 專版