【裝修熱話】裝修廚房中大伏 錯信朋友介紹 港妻投訴師傅3宗罪 牆身鋼筋跌埋出來

理財智慧 17:24 2021/05/04

分享:

有人說搵好的裝修師傅有如買六合彩,因此不時見裝修爛尾或中伏的投訴。近日一名港妻在Facebook專頁「家居裝修分享谷」發帖,表示早前全屋大裝修,為怕中伏,於是油漆、睡房、裝門、舖地板、訂做傢俬都搵唔同公司,效果也滿意。怎料到了最後裝修廚房,老公朋友介紹裝修師傅,結果搞到爛尾收場,直言「嬲到想喊」。

據事主帖文指出,由於師傅是她老公朋友介紹,當初好信任他。師傅建議「拆咗廚房個鐵門露台位,改埋條煤氣喉,做廚櫃會多啲位用」,她都認為冇問題。然後師傅問明廚房「邊個位裝乜」,叫她俾晒型號呎寸。事主還特意提醒師傅,廚櫃位要預留位置,將來她要換一部較大的抽油煙機。

廚房裝修中伏相片:

    點擊圖片放大
    +14
    +13

【室內設計】80後美劇迷夫婦 50萬裝修上車盤 浴室大膽用藍配白 享邊浸浴邊飲咖啡【見下頁

師傅又給她立邦色板選廚櫃顏色,最終選好了淺淺粉紅色,計好價錢,俾埋鎖匙師傅,還即日過半數給他。過了2日,師傅Whatsapp她話無立邦隻顏色,給另一個色板她選擇,事主見是差不多淺粉紅色就可以,一心以為他好有交帶信得過。

【公屋裝修】一家三口輪候7年終獲派公屋 13萬裝修320呎單位 客廳用玻璃牆不再「黑媽媽」 廁所空間夠寬趟!【見下頁

之後就是惡夢的開始,歸納起來師傅合共犯了3宗罪。

罪狀1 牆身鋼筋跌出來

師傅收到廠預砌廚櫃的相,問事主知否磚牆「拆左會爛晒」,建議整一塊大的不锈鋼板遮住牆身,事主聽到後一頭霧水,話不想整不锈鋼,想整現時流行的玻璃。師傅話問問玻璃廠,但最終卻無回覆過事主。

過2日,師傅約埋佢老婆上去裝廚櫃,拆了露台鐵門的位置水泥露晒出來,天花板牆身更有條鋼筋跌出來,而地下的磚亦爛晒,變得凸凹不平。事主問師傅怎麼辦,師傅竟然答「係甘嫁啦」。至於牆身裝玻璃,師傅更是不了了之,只表示「大陸無人做」,事主唯有決定整不锈鋼,還被師傅揶揄她「你又唔早講又要俾多次運費」。

罪狀2 水喉位求其用膠紙痴住

第二日,師傅又帶埋老婆同個仔,上去裝鋅盆。鋅盆是事主自己買,俾呎寸佢開窿同安裝,事主見他安裝到6點都未裝完,但要返去湊小朋友先走。事後師傅whatsapp相給事主,竟然求其用水喉膠紙,痴住駁房署水喉果位就算。只要一塞水喉位,個廚櫃就會浸晒。而且所有廚櫃頂都無修口,師傅竟答若用玻璃膠修口,天花板的灰會冧落黎。

罪狀3 洗衣機電制位太細

師傅開洗衣機電制位,只得個一蚊銀咁大,洗衣機電制頭過唔到,最終事主要額外俾150元安裝洗衣機個師傅再駁過。

事主慨嘆,之前上網逐間搵公司,逐樣做仲信得過,反而朋友介紹卻是靠害。那個師傅明知拆左會爛到咁,完全無提供過任何意見可以點整,淨係話「係甘嫁啦」,結果要搵油漆師傅執手尾。

【《iMoney》最具國際視野的資理財創富頻道 -- 融滙國際最好、最新的投資理財智慧及方法,讓讀者盡快踏上「財務自由」之路】

#免費下載《香港經濟日報》App: http://onelink.to/8svabv

#國際視野 精明理財 盡在iMoney網站【 imoneymag.com 】

#如欲查看更多iMoney全新網上專欄的內容請【https://bit.ly/2zJY7DJ

# 即Like iMoney智富雜誌 專頁【設定為 搶先看/See First】搶盡投資先機

記者:李兆明

緊貼財經時事新聞分析,讚好hket Facebook 專版