【網民熱話】疫情反覆搵工難 新工又中伏被炒 網民嘆:呢個時候搵到都係「伏工」

理財智慧 19:22 2021/01/19

分享:

第四波疫情反覆未回落,嚴重打擊本地就業市場,香港最新失業率更升至6.6%,創16年新高。有網民近日在討論區發帖,慨嘆疫情不斷反覆,想搵工不容易,連求職網頁的招聘POST亦減少,即使去年找到一份新工作但很快就被裁。此帖惹來不少回響,不少網民大表認同表示:「呢個時候搵到都係伏工」。

該網民表示,近日隨住疫情反彈,求職網站空缺又減少,有大部份空缺都係不停REPOST,失業搵工即使你能力多強,都要經歷SEND五、六十份先有一份工見。「好工無人走,市面新工質素差,只有一啲人事複雜、勁壓榨員工、成日炒新人或玩走新人的公司請人。」

之後他又透露自己的經歷,指去年搵工一段時間後,返了一份新工,但被上司刁難,「唔俾工作指引,冇講又話講左」,最後慘被上司以工作不達標而炒掉,他概嘆:「呢個時勢下,你以為為左生活,份工惡頂都頂落去,但對不起,他們不會俾你長做,你只有再失業多一次。」

其他網友對他的看法大表認同,「完全同意樓主講,呢個時候搵到都係伏工,我情況係見工機會都好少」、「我都係啦,但唔知個市幾時先好返,真係好少工見,見完又唔請」、「唔止香港慘,全世界都係一樣面對呢個困難」

【延伸閱讀】

    點擊圖片放大
    +12
    +11

其他網友回應:

我嗰份工都一樣,上司不停玩嘢,忍左年幾兩年頂唔順裸辭,而家D工選擇比起上年少左好多,都未計有D公司,甚至係大公司不停重覆開post

如果你唔係要求高或者一定要朝九晚六,五天工作,應該唔會搵唔到

同意,我之前係做採購,疫情前已經係咁,呢次疫情只係令情況更加嚴重

有手有腳點都有嘢做,爭在有冇心,有啲人一入職就想食左人隻車,梗係搵唔到,任何嘢都要由低做起,慢慢吸納,別要一步登天,盞自討苦吃

【《iMoney》最具國際視野的投資理財創富頻道 -- 融滙國際最好、最新的投資理財智慧及方法,讓讀者盡快踏上「財務自由」之路】

# 國際視野 精明理財 盡在iMoney全新網站【 imoneymag.com 】

# 如欲查看更多iMoney全新網上專欄的內容請按【https://bit.ly/2zJY7DJ

# 即Like iMoney智富雜誌 專頁【設定為 搶先看/See First】搶盡投資先機

記者:李兆明

緊貼財經時事新聞分析,讚好hket Facebook 專版