【職場熱話】大公司人工2.2萬 VS 細公司2.8萬? 網民意見兩極惹熱議 最終一個因素成關鍵

理財智慧 19:15 2021/01/14

分享:

打工仔搵工,無非追求薪高糧準,人工高低往往是考慮因素。最近有網民在討論區發帖,表示有2份工的OFFER,一份是大公司月薪2.2萬,另一份是細公司但人工有2.8萬元,不知如何選擇,結果網民意見兩極,惹來熱烈討論。

該網民以「選擇題 22k 大公司定28k 細公司」為題發帖,指自己最近收到2份工作OFFER:1. 大公司,每月人工2.2萬元,輕鬆5天工作,工作做慣做熟,忙起來有需要OT,但會有補水;2. 細公司,每月人工2.8萬元,返5日半,整個部門只得幾個人,會做多左嘢,但可以學到不同。兩個OFFER不知點揀。

網民看法分為兩極,主張選擇大公司的表示:「拎住細公司嘅經驗去大公司又會睇低你,一樣壓返你價」、「一定係大公司, 做一年半載再轉去其他大公司升職加薪。 細公司比個Director、VP你做,出面啲大公司都當你係small potato冇前途」、「正如讀書做精英學校第尾,都好過band3學校考第一」。

【延伸閱讀】薪酬調查:政府最新統計 第三季港人平均薪金升2% 8大行業平均月薪係幾多?按【見下頁

    點擊圖片放大
    +8
    +7

主張細公司但人工高的表示:「揀28K,做半年轉工,叫價能力起跑線已經係你22k的20%以上」、「細公司學做事,大公司學做人,畢業生一定係入細公司」、「我會選擇28k細公司, 攞住呢份人工半年後慢慢搵工, 搵5天工作&加人工」

不過,更多網民睇重的一個因素,反而落在「5天 VS 5.5天工作」這個條件上,認為寧可人工低一點,都要選擇返5天的工作。

  • 「返5.5天同6天有甚麼分別?」
  • 「5.5即係你星期五人人relax,你仲要第二朝爬起身喎!」
  • 「其實2份人工唔係差好遠,當你返過5日工就唔會想再返5.5」
  • 「梗係5日啦,仲有補水, 絕種工咁滯」

其他網民回應:

三十幾樓下就細,三十幾樓上就大

細公司乜都你做其實有好有唔好,表面好似學好多野,唔好係你可能學好多野都唔岩大公司用。細公司好多嘢唔駛跟規矩,做得到就得,到頭來你嘅經驗幫唔到你跳出嚟叫高啲人工

揀大公司唔駛諗,唔到絕望都唔好諗住入細公司。過來人話你知,完全係兩回事黎,對你日後career path都係。入左細公司只會令你蒙上污點,唔好諗住學到咩多啲嘢,返工唔係諗住學嘢,你老細都唔係諗住你黎學嘢

【《iMoney》最具國際視野的投資理財創富頻道 -- 融滙國際最好、最新的投資理財智慧及方法,讓讀者盡快踏上「財務自由」之路】

# 國際視野 精明理財 盡在iMoney全新網站【 imoneymag.com 】

# 如欲查看更多iMoney全新網上專欄的內容請【https://bit.ly/2zJY7DJ

# 即Like iMoney智富雜誌 專頁【設定為 搶先看/See First】搶盡投資先機

記者:李兆明

 

緊貼財經時事新聞分析,讚好hket Facebook 專版