【薪酬熱話】網民羡慕朋友月入逾3萬惹熱議 「裝修工不是人人捱到」

理財智慧 00:07 2020/11/28

分享:

本港月入中位數為1.9萬元,有網民在討論區發帖,表示有朋友做裝修工,每月人工逾3萬,甚至有時可達4萬元,有車有屋,令他好羡慕,結果惹來熱議,其他網民普遍認為裝修工作相當辛苦,不是人人捱得到,正是「你睇人好,人睇你好」。

該網民以《好羡慕人地份工人工高》為題發帖,指有朋友做裝修平均月入三萬幾,有時甚至去到四萬。「有層慈雲山居屋有架二手車,雖不算有大成就但好過我呢D好多,老實説好羨慕佢搵咁多,不過佢做裝修辛苦過我好多,針無兩頭利。」

【室內設計】80後戶主擲40萬元大翻新 善用凹陷牆位 改廁門解決「五門歸心」問題 詳情請按【見下頁

本港8大行業月入中位數比較:

    點擊圖片放大
    +6
    +5

此帖一出即惹來極多回應,大多認為裝修工作及環境相當辛苦,不是人人捱得到,收入高是有原因的。有網民直言:「無得羨慕,呢啲工種你願意付出汗水/時間,都可以有呢啲人工,但問題係你承受到嗎?」,也有網民指「其實行行出狀元,大部分撈得掂嘅,都係勞力加食腦,樓主都可以研究一下自己點可以更出色」。

應屆畢業生不同行業平均入職月薪:

    點擊圖片放大
    +3
    +2

其他網民回應:

裝修呢家嘢唔係個個頂到,前排屋企裝修,見佢地真係唔係講玩,好辛苦

裝修最緊要捱得,日日都要搬貨,超級體力勞動,有好多人做3個月都已經頂唔順要轉行。好多人做裝修搵到錢,但做到周身病痛,成日要睇醫生,你又唔知.......

樓主努力返工,只要慢慢改變自己,老闆會慢慢自然加你人工架。 話說我依家最遲入去做果個但我既人工加得最高果快果個,所以慢慢黎比心機,唔好做人太負面

你睇人好人睇你好啫,做裝修嗰啲,去到晚年好多肺部都有問題

人地做到殘,返屋企攪住老婆仔女喊,又有話你知?

【《iMoney》最具國際視野的投資理財創富頻道 -- 融滙國際最好、最新的投資理財智慧及方法,讓讀者盡快踏上「財務自由」之路】

# 國際視野 精明理財 盡在iMoney全新網站【 imoneymag.com 】

# 如欲查看更多iMoney全新網上專欄的內容請按【https://bit.ly/2zJY7DJ

# 即Like iMoney智富雜誌 專頁【設定為 搶先看/See First】搶盡投資先機

 

記者:李兆明

緊貼財經時事新聞分析,讚好hket Facebook 專版