【股民熱話】網民月入3.8萬 擁80萬現金 想辭職炒即日鮮 惹網上熱議

理財智慧 19:17 2020/11/17

分享:

股市炒完新經濟,又輪到炒舊經濟,恒指近期升穿26000點,激發不少散戶雄心壯志,有網民在討論區發帖,表示擁有80萬元現金,想辭職轉為全職炒股,問做Day trade(即日鮮)搵食是否可行,結果大部份網友回覆均指即日鮮難搵食,冇發達。

該網民在帖文中透露,本身現時月入3.8萬元,但工作壓力大想辭職,手頭上有流動現金約80萬元,想每日做Day trade,目標每日平均賺約2千元,足夠供樓、食飯及生活費就可以。他問「有冇過來人試過? 你哋trade咩為主? 長遠嚟講可唔可行?」

2021年人口普查招聘逾萬個職位 工作內容、薪金全面睇 詳情請按【見下頁

此帖一出,即引來大量網民留言,熱烈討論,普遍意見均認為Day Trade要日日賺錢心理壓力大,跟去澳門每日賭一鋪大細沒有分別。更有網民指出,有幾多投資名家是靠Day Trade發達的?勸喻該網民不宜太衝動,否則很快就會輸晒80萬元的本金。

不過,也有有心人分享炒即日鮮心得,但就要滿足5個條件:1 足夠0佣金或接近0佣金的證券戶口;2 戶口有30萬-50萬可以動用的購買力;3 有固定收入;4 串流報價及5 之前累積多年的炒股經驗。

花旗推介8隻落後股份及潛在升幅:

    點擊圖片放大
    +6
    +5

其實炒即日鮮的壓力及風險不少,倒不如留意一下有沒有合適的股票可以中長線吸納更好。花旗近日發表報告指出,新疫苗的消息,加上內地針對互聯網企業推出反壟斷指南,令資金重新由新經濟股流向舊經濟股,該行因而挑選8隻可追落後的中資股。

根據報告所選的8隻股份,行業涵蓋資源、能源、內房及保險板塊,股價潛在升幅最多達43%。而參考彭博數據顯示,2021年預測平均股息率5.7厘,最高的一隻股份股息率高達9.6%。

其他網友回應:

某一日賺到$2000就唔難,間中一日賺到$2000都唔難,日日都賺到$2000係好難既,一定會間中有蝕的一日。

Day trade一定係炒期指,期指通常恒指開市前夜期有好位,到指數牛熊開市已經輸曬好位俾期指,莊家開市又慢幾分鐘過夜沽必走得切,牛熊莊家可以控制溢價,就算睇中都賠得少過期指好多,指數牛熊值搏率低

財務自由係有足夠被動收入,唔使理自然有足夠收入,可多可少,但一定要足夠!

80萬本, 順境時一日贏幾萬經常有。逆境呢? 一日都可以輸好幾萬。資金注碼控制得吾好, 好快輸淨一半本金。好以呢十日甘, ATMX可以跌20%, 轉倉去舊經濟股, 可能又撞正舊經濟股趺果幾日, 一個下來, 輸十呢萬完全唔出奇。到時你重有沒有信心捱落去?

樓主正職有38K,香港每月交易日有22-23日,即係樓主要每月會贏44-46K,高過佢收入。樓主有80萬,每月贏45K,一年要贏54萬,要有68%年回報。唔敢話唔得,得嘅話樓主隨時係甚至超越全港最top嘅基金經理…

好多人日日賺少少,然後唔識收手,跟手一鋪清袋。Day trade 根本冇經濟/商業理論可言,完全就係賭大細

【《iMoney》最具國際視野的投資理財創富頻道 -- 融滙國際最好、最新的投資理財智慧及方法,讓讀者盡快踏上「財務自由」之路】

# 國際視野 精明理財 盡在iMoney全新網站【 imoneymag.com 】

# 如欲查看更多iMoney全新網上專欄的內容請按【https://bit.ly/2zJY7DJ

# 即Like iMoney智富雜誌 專頁【設定為 搶先看/See First】搶盡投資先機

記者:李兆明

 

緊貼財經時事新聞分析,讚好hket Facebook 專版