【疫市租金】單身客租樓睇風水 單位風水座向好 更易搶客?

股樓投資 15:58 2020/08/31

分享:

各國央行放水,而且利率低企,利好資產價格。不過,部分投資者擔心股市波動,傾向買樓收租。一般來說,只要屋苑交通方便,生活配套好,自然吸客。值得留意的是,身在華人社會,不少人相信風水命理,若單位風水好,租金是否更有保證?翻查近期成交,有租客搵盤時,講明要風水好。 

香港置業沈行進說,淘大花園H座高層3室,兩房間隔,向西南望海景,實用面積約378平方呎,月租原叫價14,500元,終減價700元,以月租13,800元租出,實用呎租約36.5元,低市價約5%。他續說,新租客為單身人士,搵盤時已要求風水座向要好,且指定要租淘大花園,故終精選上述租盤,除了風水座向因素外,上述單位裝修企理,故該租客睇樓兩次,便決定承租。 

既然單位質素好,何解仍要低市價出租單位?沈行進解釋說,屋苑租盤多,加上租客爽快,故業主不介意減租數百元,更情願盡快出租單位。至於風水座向較好的單位會否更值投資,他認為不一定,以放租為例,買家多數看單位裝修是否企理。 

談到近期市況,他坦言,雖然近期市況好轉,惟在過去周末,睇樓量不升反跌,始終不少筍盤已消化,目前淘大花園最平叫價610萬元起,單位為兩房間隔。 

如欲查看更多iMoney全新網上專欄的內容請按此:https://bit.ly/2zJY7DJ 

#即睇iMoney全新網站【 http://imoneymag.com 】 

#立即訂閱掌握投資創富資訊【 https://imoney.hket.com/im/subscription 】 

#即Like iMoney 智富雜誌 專頁【設定為 搶先看/See First】搶盡投資先機! 

撰文 : 黃卓賢

緊貼財經時事新聞分析,讚好hket Facebook 專版