【網民熱話】禁堂食下遍地開餐 網友呼籲:唔好再影人喺街食飯 !

環球政經 16:16 2020/07/29

分享:

2月時香港人要瞓街通宵排隊搶買口罩,今日要捧住盒飯周街食飯!禁堂食令今日生效,午飯係邊度開餐成為城中熱話,要返工一眾打工仔食飯只能外賣,有公司就買返公司食。但不是人人有公司坐定定,例如清潔工、地盤工人、Sales等只能在街上或公園或天橋底食飯,在攝氐30多度高溫下,手捧飯盒係街食飯當然不好受,更慘係碰上今日中午落大雨,要避住雨食飯,隨時天公「送湯」,真的非常狠狽。

網上有不少人將街上開餐的慘況拍下並放上網,形容為「遍地開餐」,立即引來爭議。有網民認為在街開餐是很無奈的選擇,還要給拍下,尊嚴頓失,其中包括影星鄭中基,他在「面書」帖文指:「並唔係每個人都可以有個空間靜靜哋食飯。懇請大家係街見到人食飯嘅話,就俾啲空間,唔好影相甚至Po上網。人人嘅尊嚴都應該受到尊重。」但亦有網民認為要讓政府知道巿民的苦況。

網民點睇:

「落雨食飯慘⋯⋯ 好熱食飯慘⋯⋯ 好熱落雨食飯慘⋯⋯ 食飯都係新聞⋯」

「就係政府嘅失敗政策令到好多工友要在街吃飯。政府無尊重市民才出現咁嘅景況。市民影嘅目的係要記錄呢個荒誕事實,並唔係要針對工友。」

「並唔係每個人都可以有個空間靜靜哋食飯。懇請大家係街見到人食飯嘅話,就俾啲空間,唔好影相甚至Po上網。人人嘅尊嚴都應該受到尊重。」

「吾放上綱,正苦又話吾影響大眾,放上綱又怕影響香港辛勞市民,點解吾封關。」

「佢哋坐係冷氣房梗係唔知市民感受。」

「周街都見到啲老人家同埋好多外出工作者曬住食飯...真係好心酸。」

「好X簡單,你哋試下食食下反,不停有行人對住你哋影相,你們會點諗?」

 

#即睇iMoney全新網站【 imoneymag.com

#立即訂閱掌握投資創富資訊【 https://imoney.hket.com/im/subscription

#即Like iMoney 智富雜誌 專頁【設定為 搶先看/See First】搶盡投資先機!

撰文 : 鄭靜珊

緊貼財經時事新聞分析,讚好hket Facebook 專版