【丘質故事】中環Secret? 親熱男女成網民熱話

股樓投資 16:56 2020/07/08

分享:

近期財經市場新聞多多,除左恒指有北水湧入,騰訊控股(00700)日日創新高之外,今日凌晨網絡上仲瘋傳兩段車cam片,片中有一對男女坐上的士後隨即開始親熱,仲有好多不規矩動作。本身都無咁多迴響,但經過一輪起底後,網民發現男女身份和關係可能殊不簡單。

該對男女登上的士後,男方無保持社交距離之餘,更即時主動與女士親熱,全程近5分鐘互動被的士上的車cam拍低,片段傳到互聯網後,即時在多個討論區被熱議,有網民即刻搵到,男方原來疑似在一間市值近300億元的內房企業任職管理層,而且去年才走馬上任。

相關文章:【港股追蹤】6月銷售史上最強 花旗首選呢7隻內房股(一表睇晒)

之但係,就算上市公司管理層又點?大庭廣眾情不自禁,只能話咁做唔係太合適,可能本港土地問題真係太嚴重咩。最大問題係,眼利的網民發現,男方早有家室,但妻子並非片中女士,影片中女性,疑似是一間上市財經公關公司的職員,當中關係真係不言而喻。

筆者遇過不少財經公關,知道她們確實係要做好多「湊客」的工作,所指的「客」,就是各大上市公司。集團管理層出席媒體記者及分析員飯局,新聞發布會,甚至接受專訪時,公關都需要緊隨在旁,以免有甩漏。但同坐的士發生咁嘅事,就真係第一次見。

早前的「安心事件」,歌手許志安與藝人黃心穎同樣是乘車回家時親熱被司機車Cam錄低,隨後放到網上,其實咁樣做就唔係太有道德,亦都屬於偷拍的一種,當事人如果仲記得車牌號碼同司機名字,確實有權追究,所以筆者都奉勸各位小心駛得萬年船。

p.s. 網民最意外嘅,竟然係邊款車cam可以錄到咁高清,睇黎車cam概念股未來仲有得炒

 

iMoney全新網上專欄的內容請按此

即睇iMoney全新網站【 imoneymag.com
#立即訂閱掌握投資創富資訊【 https://imoney.hket.com/im/subscription
#即Like iMoney智富雜誌 專頁【設定為 搶先看/See First】搶盡投資先機!

 

撰文 : 丘梓健

緊貼財經時事新聞分析,讚好hket Facebook 專版