【King談樓市】King Sir:下半年樓價或再戰高位

名人薈萃 19:16 2020/06/30

分享:

唔覺唔覺2020年又過咗一半,好多同學、讀者問我下半年樓市走勢會係點,現在仲入唔入得市?其實下半年有三大方面主宰樓價:分別係疫情、國安法以及中美角力。

近期疫情已緩和,限聚令亦已放寬,加上政府陸續發放的1萬大元,估計第三季的GDP及失業率將會大為改善。但根據專家所講,疫症大有機會在冬季捲土重來,然而就算真的爆發第二波,經歷過兩次疫情的香港人對防疫意識已非常高,相信爆發規模及影響程度將比第一波細,對經濟影響亦較之前輕微。

港區國安法推出令部分港人擔心人身及言論自由,更令在港資金流走,外資撤離,香港玩完!但實情係,銀行結餘由一個月前人大推出國安法時的900多億港元,增加至今天的1,300多億,一個月內多了近400億港元淨流入。

而隨着國安法逐步逼近,一眾鼓吹暴力抗爭的政治人物即時變得乖巧。缺乏他們的背書,君不見近期多次的示威搗亂都不成氣候,加上部分港人逐漸明白暴力破壞最終受害的都是香港自己,因此筆者相信下半年社會將會趨向穩定。

至於近來多了很多港人考慮移民,但相信大部分都唔係真係想連根拔起,而只係想買個保險。根據以往多次移民潮的經驗,賣咗層樓去移民的,真係以後都返唔到嚟香港。唔信?你可以落街問問個代理有無「移民急售」嘅筍盤介紹畀你就一清二楚。

至於中美兩國角力,夾在中間的香港肯定會有所損傷。特朗普(Donald Trump)近來不斷打香港牌,又話制裁香港,又話撤銷特別待遇地位,仲威脅話要將貿易協議重新談判。其實侵侵已時日無多,仲有唔夠5個月就大選,只要佢真係落實任何抵制中國或香港的法案,美國股市將應聲大跌,他連任的美夢隨時幻滅。為咗please選民,筆者相信侵侵會繼續大大聲「凶」中國,但實際行動將會係「零」!

唔知大家近期會否有個疑問,為何美國疫情仍未受控,在確診人數仍創新高230萬之際,道指竟然會節節上升,升到去26000點,這其實就是全球各國尤其係美國再次量化寬鬆嘅威力,而威力將逐步逐步增強。

正如筆者早於3月所講,各國再次QE,大家一定要做好保衞資產嘅準備。筆者估計,如無甚麼大礙的話,樓價下半年將有機會挑戰2019年6月的歷史高位190.48點!

#即睇iMoney全新網站【 imoneymag.com

#立即訂閱掌握投資創富資訊【 imoney.hket.com/im/subscription

#即Like iMoney智富雜誌 專頁【設定為 搶先看/See First】搶盡投資先機!

撰文 : King Sir

欄名 : King談樓市

緊貼財經時事新聞分析,讚好hket Facebook 專版