【網民熱話】對上有「四大長老」要養 一家人月入幾多才可輕鬆度日?

環球政經 15:23 2020/06/26

分享:

家庭月入多少,方算得上生活輕鬆?有網民指,家庭收入8萬元,一家三口有一個未夠1歲的女兒,現時為「雙租族」但收租物業的租金不及租住的物業,每個月要補貼,對上還有「四大長老」要養,問於香港如何再可生活輕鬆?

有同樣情況的網民就指,樓主有樓出租已比好多人好,還算輕鬆。有更悲慘的網民就自己失業,單靠太太約2萬元人工,全家每月開支連四大長老,超過10萬元,十分難捱。就算家庭月入10萬元,一家五口,供樓加工人姐姐,其實與在職貧窮無分別。

相關文章:【疫情經濟】疫情後市值暴增 《金融時報》疫情百大贏家 

相關文章:本土網購平台「友和YOHO」 疫市小家電突圍 生意翻倍

網民點睇?

巫師XXX

如果1支公 同屋企人住
無負擔 2萬都真係幾好洗

炭XX

家庭收入10萬,一家五口,供緊樓,一個姐姐,四大長老,都好似在職貧窮咁

澳南XX

師兄,我都係3口子 1個未夠1歲女加 4 大長老,自住物業。你有樓出租已經好過好多人啦,應該算輕鬆。
不過我輕鬆少少,太太月收入多於 8 萬。

CloXXXXXX

你已經唔錯了。
我失業,老婆揾2xk。全家開支連養四大每月超過10萬。

IPUXXX

兩公婆就輕鬆,多個小朋友,又要為佢煩幼稚園,入直資小學。
唔好彩業主為賣樓而你要搬屋,點會輕鬆?

hungXX

係呀,所以你一係諗計增加收入,一係諗計點樣節流
呢樣嘢要你自己先知,每家人嘅開支唔同。
你而家要畀幾多錢四大長老呀?
講真, 8萬蚊自己一家三口都算ok好駛。
但係要約埋四大長老就要睇下要養幾多啦...

singsingXXXX

如果你要 每月每位長老比兩萬,咁就唔輕鬆。
如果只係一家三口用, 好夠洗。
我屋企四個人, 供樓 萬八, 差管 7千, 工人 6千 , 家用連去街食飯 3-4萬。
小朋友政府中小學 兩個加埋 5千。
我覺得幾輕鬆。

 

iMoney全新網上專欄的內容請按此

即睇iMoney全新網站【 imoneymag.com
#立即訂閱掌握投資創富資訊【 https://imoney.hket.com/im/subscription
#即Like iMoney智富雜誌 專頁【設定為 搶先看/See First】搶盡投資先機!

緊貼財經時事新聞分析,讚好hket Facebook 專版