【King談樓市】King Sir:移民經驗談

名人薈萃 17:26 2020/06/14

分享:

近期港版國安法出台,令部分港人擔心會失去言論及人身自由而萌生去意,但千里迢迢移民他國真係最理想嘅選擇?不如聽聽筆者這個過來人嘅親身經歷,之後再作決定都未遲。

筆者早於89年還讀緊高中時跟雙親移民加拿大,當時筆者對「移民」有着無限憧憬,覺得外國地方又大又整潔,人嘅質素又高,總之甚麼都好。記得到埗後第三天那邊下了入冬後第一場雪,從窗口外望,看見每間屋頂都蓋上白白的雪,感覺好像置身於童話世界裏,真是浪漫,但其實下雪的背後代表着寒冷的冬天已到!

筆者當年返學放學都要搭成個鐘巴士,當地夏天天氣相當宜人,但冬天氣溫零下十零度卻是閒閒地。記得有次返學時颳着大雪,氣溫加風速是零下30多度,步行5分鐘才到巴士站,再要多等10分鐘才有巴士,當時真的凍得要命,心想這「冰天雪地」的地方是人住的嗎?

亞裔生找工作難

尚算勤奮向學的筆者,當年考進了一所在加拿大數一數二的大學商學院主修金融及市場學,此學位課程競爭非常激烈,每年只收取100名學生,而亞裔生則只收10多名。根據歷屆畢業生的經驗,在畢業前大多已被當地大企業如Ernest & Yonge,P&G,TD Bank等優先取錄,筆者心想只要能順利畢業前途必定一片光明,誰知最終被取錄的大部分都是說英語的白人,我們10多位亞裔生卻全部落空,筆者不能說這是種族歧視,但始終不是同聲同氣,又沒有關係可言,不被取錄是可以理解的。

最終筆者和幾位香港同學都能搵到工作,一個做保險經紀,一個當書局店員,一個走了去做電器舖售貨員,而筆者就去考牌做地產代理,一班鬱鬱不得志、不甘於現狀的畢業生最終都先後回港發展。

廿多年後的今天,一個已是年薪數百萬的Banker,一個是大企業的In house Lawyer,一個是經營網上生意的老闆,而筆者是多間公司的大股東,在市場上亦有點知名度,兩餐尚算無憂。

相反,有位同學畢業後返回吉隆坡工作,發展不錯很快已升至銀行分行行長,10年前覺得當地治安唔好,決意回流加拿大,但不幸地他在吉隆坡的銀行工作經驗完全不獲承認,最終只能從Teller做起,工作近10年,今天亦只是一位銀行主任仔。

總括來說,除非你早已搵夠,去到果邊只係嘆世界,你絕對可以選擇移民,但如果你仍然要為生活而工作的話,如非必要就唔好去喇。正所謂人離鄉賤,當別國的二等公民,做以前低幾級的工作,搵錢隨時少咗過零,加上自肺炎疫情後,西方多國排華越趨嚴重,移民?大家真的要三思三思!

撰文 : King Sir

欄名 : King談樓市

緊貼財經時事新聞分析,讚好hket Facebook 專版