【丘質故事】消毒劑唔聞唔安樂 清潔人員十倍奉還

股樓投資 10:00 2020/05/09

分享:

香港已經連續19日無本地感染個案,市民總算暫時放下心頭大石,心情稍為變得輕鬆。所以今日都同大家分享一篇抗疫奇聞。

內地疾控中心本周新聞發布會中,回顧近月在內地疫情最嚴重的湖北省內防控工作,當中提到3月中旬,有疾控隊員走入小區,只見成班消毒人員眼睛充血,又有紅腫,但問佢地發生咩事又唔肯講,結果明查暗訪後先真相大白。

原來該小區居民好重視消毒,每日行出街聞唔到消毒劑味道都唔安樂,所以就同物業管理方舉報,覺得消毒工作做得唔足。工作人員收到舉報,就自然要處理,最後用左個非常阿Q嘅辦法,就係將消毒劑濃度擴大到10倍。

咁「加料」消毒劑咪道梗係夠濃郁,居民都當然滿意,可憐清潔人員為左佢地,搞到佢地眼又紅,部分人呼吸道更造成嚴重傷害,好彩疾控隊員發現得早,即刻同佢地講解無必要過度消毒,而且仲會污染環境,影響健康。

試諗下,平時清潔及消毒家居的1比99稀釋漂白水,如果變成1比9,我諗除左地板會玩完之外,吸入咁濃嘅漂白水,都應該好快暈低。

今次疫情確實令大家更著重清潔和消毒,但記住要跟足指示,做太少或者做多左,都未必係好事。

撰文 : 丘梓健

緊貼財經時事新聞分析,讚好hket Facebook 專版