【國泰告急】或步英航後塵 國泰究竟有無需要裁員?

股樓投資 18:02 2020/05/08

分享:

英航較早前宣布炒人三分一,涉1.2萬名員工。同屬「寰宇一家」的國泰(00293),今日就再傳出重組計劃,包括可能放棄「國泰港龍」品牌,有傳國泰會推出自願或強制離職方案。國泰究竟有無需要減薪甚至裁員?可參考以下幾點。

相關文章:【國泰重組?】傳國泰考慮結構調整 放棄「國泰港龍」品牌

先睇國泰數據,國泰2019年員工開支約為200億港元,佔營運開支18%,是繼燃油成本後第二大開支。

再睇集團現金,截至2019年底,連同88億港元現金,流動資金有148億港元。若加入隨時可動用的已承擔未動用信貸,集團可動用的無限定用途流動資金就有200億港元。以此計算,一年員工成本已等於全部現金。當然並非所有員工開支要用現金找數,是否需要裁員可參考英航。

英航母企IAG的2019年年報可見,員工開支亦為英航第二大開支,約25億英鎊,約佔開支23%,亦是僅次燃油成本的第二大開支。英航現金則有26億英鎊,一年開支亦是接近全部現金。以此來看,國泰現金水平的確唔夠,相信一是發債籌錢,第二個做法就是減省成本。作為第二大開支,的確有機會減薪裁員。

相關文章:國泰主席及CEO齊減薪 運載率僅剩18.3%

單計母企背景及行業重要程度,國泰有不少「水喉」射住。如果是短期影響,發債籌錢相信是優先選擇。但若最後集團大幅度炒人,或是長綫睇淡航空復班程度訊號。澳洲最大航空公司澳航本月曾警告,旅客要恢復疫前程度好可能需要好幾年時間,美國波音(BA)亦指要為航空業長期低迷做準備。若國泰炒人,業務重新起飛或需要以年計的時間起跳。

相關文章:【賣機都唔夠?】國泰傳考慮「結構調整」擬減薪並延長無薪假4周

相關文章:【航空業浩劫】國泰建議員工提前放下半年假 坦言現時應急措施未夠

撰文 : 投資組

緊貼財經時事新聞分析,讚好hket Facebook 專版