【見人見智】娛樂圈搵食艱難 莊端兒曾歷低潮想跳樓

名人薈萃 11:21 2020/05/12

分享:

「真係好三更窮、五更富㗎!我覺得仲衰過做古惑仔,老實啲講!」莊端兒(Xenia)大笑著說,自小在富裕家庭中長大,如「溫室小花」般沒怎麼捱過苦,18歲便擁有人生第一層樓,外國讀書回流後靠不斷炒賣物業「錢滾錢」,幾百萬收入轉眼到手,名牌手袋、名錶非限量版不愛,最高峰時有八至十個物業在手,在地產、租客間周旋應接不暇,沒料到7年前因貪玩,去參選香港珠寶小姐而加入娛樂圈這個大染缸,才頓然明白到「搵食艱難」,手上物業全數變賣,試過連手袋、名錶都要「犧牲」。

最為大眾認識的莊端兒,或者要數她以性感形象在網台擔任女主播,擁有驕人身材的她,是不少男粉絲的女神,華麗外表外,其實莊端兒也有不為人知的一面。畢業於澳洲墨爾本大學經濟學系的她,成長於富裕家庭,媽媽開地產舖、有家人開證券行,從小便接觸到投資,「媽媽教落要學識『錢滾錢』,就唔洗咁辛苦。」

莊端兒常以性感形象示人。(受訪者提供)

患病兼情傷 曾想跳樓

2013年,31歲的莊端兒參選香港珠寶小姐獲季軍,兩年後正式加入娛樂圈,同時決定沽出手上全部物業,「一來開始『等錢洗』,二來係覺得好攰,物業要睇得好緊、親力親為,政府出咗辣辣辣招後,炒樓遊戲已經唔好玩,加上我愈多物業稅就愈重,我收租都未必供到樓,個Yield(收益率)已經好低。」離場一兩年後,她遇上人生低潮,愛情上被愛人背叛,事業上又與經理人公司有糾紛,加上身體患病要做手術,為休養有一段時間都無法工作,意志消沉的她曾想過跳樓。

相關文章:【星級理財】莊端兒談炒樓 媽媽贈首期學「錢滾錢」

相關文章:【星級理財】莊端兒沽清物業 趁人氣高轉搞生意

「媽咪叫我要跳就快啲,唔好阻佢關窗開冷氣。」莊端兒回想笑說,媽媽還拿出舊照片開解她,後來她想通了,「咁有勇氣跳落去,點解唔拎啲勇氣去面對人生?以前好多嘢都唾手可得,你見我炒賣都已經賺咁多,要嘅奢侈品可以買到、旅行又可以去到,係無乜挫折㗎,原來誤打誤撞入咗呢一行,遇到呢啲挫折就當係一種學習!」

節錄自第655期《iMoney Focus》見人見智。

 

 

#即睇iMoney全新網站【 imoneymag.com 】

#立即訂閱掌握投資創富資訊【 https://imoney.hket.com/im/subscription 】

#即Like iMoney 智富雜誌 專頁【設定為 搶先看/See First】搶盡投資先機!

撰文 : 黎海怡

緊貼財經時事新聞分析,讚好hket Facebook 專版