【股民愛槓桿】財叔:槓桿買債買REITs早已出事

理財智慧 21:01 2020/04/07

分享:

滙豐(00005)取消派息,有股民近日組成大聯盟誓要討回公道。有本地報章今日(7日)報道,部分滙豐投資者近年透過「Loop Loop Loop大法」,借私人貸款及銀行透支額度,然後再買滙豐收息,賺取貸息與股息的息差。滙豐這些年維持派高息就「天下太平」,如今滙豐停止派息,則令這些股民無法再用股息償還貸款利息,結果慘變苦主。

無獨有偶,資深物業投資者財叔在上周六(4日)出版的第650期《iMoney Focus》批評近年一些投資者以槓桿操作買債券及REITs,務求以小博大,早已出事。

第650期《iMoney Focus》財叔專訪內容節錄如下:

過去不少人靠股票「食息」達財務自由,滙豐4月1日宣布暫停派息,傷盡不少靠滙豐食息的小股民,「財務自由靠股靠債收息好危險!其實唔係今日知,當年滙豐由高位跌落嚟,已知道靠滙豐收息係會死,不過佢哋唔記得咗!所以無嘢係無風險!」

巴菲特有一名言:「當潮水退去,你就會發現誰在裸泳。」一些追求財務自由的人士,近年鍾情REITs(房地產信託)或債券,更甚是以槓桿操作,放大回報,以小博大。財叔數年前已很反對這種槓桿操作的行為,「好多人過去幾年唔買實磚頭,買紙磚頭(REITs),講到無風險,仲做埋槓桿,死得啦!宜家死晒,唔知補咗幾多次倉。而有能力補倉,都唔知係好事定壞事。記得網上有專家教人買Mapletree(豐樹),1.31元最多人跟佢入市,如果這個價入市,可能去到1蚊應該斬晒倉,斬倉可能更好,叫執返身彩。有能力去補倉者,可能仲慘,因為早排跌到0.7元!」豐樹是新加坡淡馬錫旗下的REITs,資產遍及新加坡、香港、中國、印度等地,該公司2011年從太古收購了香港又一城商場。

「你諗下紙磚頭(REITs)可以由高位跌超過50%,實磚頭有無咁跌法?迷信紙磚頭可以同實磚頭相比?可悲!佢哋覺得紙磚頭無風險,盲目迷信咗REITs唔係股票。」財叔坦言過去數年已不斷呼籲「REITs係股票,(價格)跟股票市場走」,但他慨嘆一些人盲目信從專家意見,輕視了用槓桿投資REITs的風險。「尤其是又槓債又槓REITs,無諗過兩邊可以一齊跌!」

他認為,投資物業做槓桿,至少「有得守」,他以自己為例,現時他99%資產投資在樓市,整體槓桿比率不足三成,「有排未有人Call我Loan,除非樓價跌七成,我仲好安全,我係完全有得守。但股票債券槓咗無得守,好多跌兩成已Call Loan。而我就樓跌七成先有機會Call Loan,但股債一跌係即Call,補唔到即斬。」

想掌握投資先機:即Like iMoney 智富雜誌 專頁【設定為 搶先看/See First】搶盡投資先機!

撰文 : 李才添

緊貼財經時事新聞分析,讚好hket Facebook 專版