資深物業投資者財叔:自住幾時都要買樓 試下劈業主兩成!

股樓投資 13:38 2020/03/29

分享:

做足置業準備,永不嫌遲。資深物業投資者財叔雖預期樓市會繼續向下,但他告誡上車客不要無了期地等跌市,若負擔得起樓按供款,任何時候也值得上車。財叔曾撰寫《百萬Blogger》專欄,分享貼地的買樓智慧,他數年前已在專欄呼籲:「你覺得樓價會跌兩成,就係盤都還兩成吧!」他說後來有讀者多謝他這篇文章,「真係有人劈到㗎!佢400萬元樓下買兆康苑,(買入)之前成交已經去到460萬元,叫價更過500萬元,真係有人劈到!」

他說置業者可參考單位的銀行估價,嘗試劈價兩成。千萬不要以為劈價兩成是「不可能任務」,一來有些業主可能生意出現周轉困難,需要賣樓救生意,二來也有一類投資者現在會減價賣樓,財叔自言是後者。

投資者搵投資機會,係用值博率睇!睇邊樣資產將來潛力高。

他直言現在樓市的升值潛力不及股市,因此他自己也有減價放售手上物業,成功套現的話會轉買股票,「望股票升20%,容易過樓升20%!」故他寄語上車客放膽劈價,笑言隨時會買到財叔的物業。

平兩成唔一定得,但平一成唔難!

他提醒上車客平時要做足功課,放假時要多睇樓,掌握目標屋苑的行情,贏在別人休息時。「有朋友近來睇樓,Agent話搵到平盤,金獅花園480萬元,我話有無搞錯?現在480萬元買到第一城,仲買金獅?佢即係無做功課,見個市跌即刻衝出來,盲衝,梗係買貴嘢!」

當然,他補充買樓自住亦不要一味貪平,「自住唔係買平嘢,係要買啱你嘅嘢!如果一個啱自己嘅單位,我又唔介意貴10%。投資者一定要買最平嘅,因為要嚟賺升幅,但你自住唔係,升市跌市我都咁講,你唔知個市幾時升返,梗係買一間自己鍾意住、住得最舒服,因為(最壞情況)可能要住廿年先至返到家鄉。」

節錄自第649期《iMoney Focus》封面故事。

想掌握投資先機:即Like iMoney 智富雜誌 專頁【設定為 搶先看/See First】搶盡投資先機!

撰文 : 葉卓偉

緊貼財經時事新聞分析,讚好hket Facebook 專版