On Call 24小時  打工仔遇上Mall姐的悲哀

商業 14:13 2017/05/10

分享:

《不懂撒嬌的女人》開播後,不少打工仔都對宣萱飾演的終極上司Mall姐充滿同感,同時對小薯對Mall姐十級忠誠度表示難以理解。返工遇上這種上司,開會有佢講無人講、唔敢請假、24小時要On Call、玩針對、用人唯親,真係一日都「極危險,連思覺也像失調」。

不過,哭泣聲絕無意義。每間公司總存在着一個Mall姐,究竟上司係咪大晒?

男人會呃你,份工唔會呃你!

嫁畀份工好過嫁畀衰男人!

1. 24小時On Call   半夜放假都要開工

相片來源:TVB截圖

Mall姐控制欲極強,無論工作還是私人生活,員工都要跟足自己。朝早逼同事跑步開會;半夜收到老細奪命追魂Call,要即覆唔準遲;凌晨急call同事返公司改Proposal,甚至連放假都是掛住有公司事務。究竟老細能否強迫下屬休息日工作?

答案:NO

按勞工法例,凡按連續性合約受僱的僱員,每7天可享有不少於1天休息日。若僱員自願於休息日工作,就另當別論。

相片來源:TVB截圖

僱主如無合理辯解而不讓僱員在法定假日、另定假日或代替假日放假,或不支付假日薪酬,可被檢控,一經定罪,最高罰款5萬元。

【延伸閱讀】文科人絕望真相:我在香港如乞食

【延伸閱讀】燃燒生命的工作     容易「過勞死」高危職業

2. OT無上限  開會禁止廁所

明知要開會,點解唔一早去定(廁所)﹗

相片來源:TVB截圖

好多打工仔聽到都一殼眼淚。老細會細數同事去了多少次廁所,一日去4次都會受到老細白眼,認為你唔做嘢。

香港人每周平均工作時間是超過50小時,遠高於全球平均的約44小時。戲內一眾職場小薯都與好多工仔一樣,被迫開OT兼無補水。OT是否真的無上限?

按《僱傭條例》,現時沒有硬性規定超時工作的工資如何計算。要視乎僱傭雙方共識及僱傭合約所列明。

相片來源:TVB截圖

3. 玩針對  用人唯親

Mall姐自認是用人唯親,好似堂妹唐詩詠,永遠都有Mall姐撐腰。如果好似唐詩詠又靚又幫得手,作為Mall姐下屬兼唐詩詠同事,都還可以忍耐。但如果是無能皇馬褂,就真係喊三聲。因為你永遠不能得罪皇馬褂。

文章獲「膠層膠事」授權轉載

【其他熱話】42吋胸肌加人魚線 全球最靚仔數學教授如何煉成?

【其他熱話】新手爸爸福利大檢閱  Netflix 享1年有薪侍產假

【其他熱話】香港是A Cup之城?教你揀絕世好Bra

緊貼財經時事新聞分析,讚好hket Facebook 專版