姊妹花工廈賣日本零食 拍住上揾錢

商業 13:00 2017/03/31

分享:

位於觀塘工廈的零食店青木町,專賣日本零食和飲品,平日放工時分吸引OL幫襯,周末也有不少一家大細去入貨,每月生意額逾15萬元。

零食店由年輕姊妹花Carrie和Jessica打理,最初開舖的原因好簡單,就是鍾意食零食,「我哋去過日本最大型的食品展參觀,有成3,800個攤位,全球和日本最主要的廠商都係嗰度,一路行一路試食,也發現有唔少香港無引進的牌子,而我哋兩個都比較為食,所以最尾揀咗開零食舖頭。」由於家人從事急凍食品批發生意,故店內也有引進急凍食品。

青木町曾在14年初開分店,可惜選址不佳,「當時分店開咗9個月,幢大廈賣波鞋為主,較少賣食品,加上配套不太好,最後我哋提早賠錢離場,蝕了5位數字。」現時,青木町注重實體店和網店生意,比例約7:3,網店的零食以原價出售,但買滿300元可免費送貨,實體店則有折扣優惠,各有各吸引,「我哋發覺網上的威力其實幾大,喺Office或偏遠地區都會上網訂零食。」(郭紫珊、梁健騰攝)

坊間不少零食店,引進世界各國的零食,日、韓、泰國都有,但這間零食店卻只賣日本零食,「我哋做過相關市場調查,發現日本零食比較受歡迎,加上曾經去過韓國睇零食,始終發覺日本零食在包裝和品質較為吸引。」現時,她們會每月引進最新款和限定版零食,務求令客人有耳目一新的感覺。

起初,兩姊妹會為每款零食製作小牌子,介紹產品出產地、廠房資料等,後來零食愈入愈多,高峰期更有逾700款零食,加上小店儲有一定的回頭客後,遂沒有製作介紹小牌子。

現時店內的零食陳列在由紙箱堆砌而成的貨架上,有條不紊擺放在場內每個角落,全場有逾300款零食,場面墟冚,但妹妹Jessica指出,新年過後仍未補得切貨,場面已算是比較「冷清」。

這間零食店按不同價錢將零食分區,劃分為12元、15元、20元、28元、32元等,購買一定件數就有優惠,「開頭我哋每件產品都有不同價錢,貼上不同Label和價錢牌,後來貨種太多,為減輕工作量,變成分區賣。」這種定價策略除了方便操作,也令客人滿載而歸,「其實啲客都(買得)好開心,因為執滿幾多件就平啲,對雙方都有好處。」

零食店出售各種日本零食,如明太子薯圈、朱古力球、油豆腐杯麵等。(郭紫珊、梁健騰攝)

兩姊妹口味不一,有時也會為進口零食貨種而爭執,家姐Carrie喜歡綠茶和味道較甜的零食,妹妹Jessica則喜歡香口嘢,如薯片、餅乾、百力滋。

惟日本零食種類多,經常出限定口味,即使兩人細心挑選,也難免中伏,有的是因為味道不佳,有的是包裝不夠美觀,「香港人鍾意靚,就算我哋親身試過,嗰件Product好好食,但包裝唔靚都會比較難賣。」

店內有草餅出售,提供抹茶、南瓜、芒果等6種口味,每件10元。(郭紫珊、梁健騰攝)

香港零食商大多進口大牌子零食,Jessica指部分品牌她們也未見過,慢慢愈入愈多,客人開始對這類產品有信心,「客人最初都唔夠膽試,但我哋入得多咗,佢哋試過(味道)OK,之後會專登返嚟搵(該品牌)。」

這間零食店經營至今3年,首兩年兩姊妹一齊打理生意,分工清楚明確,一個負責店內行政工作,另一個則負責揀貨和與廠商溝通,每隔一年就互換工作。

家姐Carrie是香港大學應用語言學碩士生,曾在教育機構任職,去年起她重操固業,開設補習社(PMP Education)教英文,「(零食店)做咗兩年,生意都開始穩定,所以就想做返自己專長嘅野。」

零食店則由Jessica掌舵,幸好店內有聘請全職員工,可幫手揀貨,也會留意客人的購買零食習慣,有助減輕其工作量。

全文刊於《iMoney智富雜誌》第492期(收費閲讀)

iMoney智富雜誌facebook

【其他熱話】10蚊15隻本地蛋? 蛋商:本地蛋最平要3蚊隻

【其他熱話】醫生也移民? 一圖睇晒邊種職業最易移民英國

【其他熱話】遊台愈來愈方便 非港澳永久居民可上網辦入台證

撰文 : iMoney智富雜誌

緊貼財經時事新聞分析,讚好hket Facebook 專版