我羨慕那些有閒情逸致玩Pokémon GO的人
▲ 相片來源：經濟日報資料室
過去一個星期全香港陷入Pokémon GO狂潮，男女老幼不論係中環放Lunch時間的Landmark或夜晚9點天水圍屋邨的公園，都聚集大量人群。有的是幾個OL，有的是一家大細一齊拿著電話，手指掃著屏幕上的比卡超或小火龍一時嘻嘻哈哈，一時驚叫「我捉到啦！」，甚至會組隊一齊去一些偏遠地區捉一些地區限定的小精靈：
FB有人話 XXX公園有啓暴龍捉啊！！ 即刻叫埋阿傑同阿輝一齊坐的士去啦！！
其實亦不亦樂乎。
【延伸閱讀】大學生爭做政府文書助理 捱10年只為2.2萬元？
有一些不玩Pokémon GO的人士會批判這些「訓練員」 ：
你班友，正經事唔見你去做，玩呢d無聊遊戲就咁上心！
訓練員們則反駁 ：
平時返工放工都已經得返半條命，而家私人時間去玩下你都要管我？ 大佬，放我一馬啦！
的確，我到而家都仲未Download呢隻Pokémon GO，亦唔打算去下載呢隻遊戲。但我唔係自命清高，覺得Pokémon GO係無聊game，相反，我對呢隻game充滿興趣，亦覺得寵物小精靈裡面的角色都好得意，而且各有特色。
但我的問題是，我真的沒有閒情逸致玩Pokémon GO。
大部分寫字樓工合約都是朝9:30晚 6，但是：
- 有些人6點準時放工，但有些人8點離開公司已經算早，而有些人離開公司後，還要在家把握夜晚10點到凌晨1點的時間繼續處理公司野。
- 有些人在公司Hea做已經搞掂，實際工作時間可能只有4小時，其餘時間在玩Pokémon GO，上Openrice，約朋友食飯，上高登，淘寶，或各式各樣消遣活動。
【延伸閱讀】大專生捱幾多個十年 月薪才有4萬元？
但另外有些人，則在朝9:30晚6之間如打仗一樣處理繁瑣的文件，準備presentation 與進行英文及普通話的conference call，處理各式各樣客戶與上司last minute的要求：
可唔可以幫幫忙，整多一份XXX文件比每個董事簽，你有咁多templates，都係改返d名姐，應該好快搞掂！
結果，這份「好快搞掂的簡單文件」其實好多地方要重新寫過，而且要check非常多資料，一整就3個鐘，對眼未離開過電腦個mon以及剛print出來的文件。個腦同對眼時刻都在高度專注的狀態，對耳同把口亦隨時應付來自四面八方客戶中/英文的電話與要求。
還有一些人在放工後不能相約朋友去捉黃大仙摩士公園捉啓暴龍，而要從中環趕到薄扶林的HKU香港大學上每星期進行3晚，在7:00開始的Part-time課程，基本上放工後連飯都未有時間食，要等到夜晚9:30放學後才可以在地鐵站的7-11買個三文治，然後仲只可以偷偷摸摸在地鐵車廂把三文治食完，否則隨時被post上youtube或被地鐵罰款。返到屋企，更加要把握時間做功課以及為下次考試溫習。
對這些人而言，試問又邊有時間精力玩Pokémon GO呢？
當然，特別努力奮鬥的人不一定特別成功，相對空閒的人也不一定一事無成。就成功而言，除了努力以外，也有更多重要因素：際遇與運氣，人脈，天賦，以及行業等。
例如一個非常努力工作與進修，每天都沒完沒了，連飯都沒有時間食的Auditor，可能29歲仍只有月入2.9萬，但一個同齡的政府公務員/紀律部隊，每天準時放工 (有OT pay)，放工後可以去捉Pokémon而不用處理任何公司野，則可能已經月入5萬。
有時，人生就是這麼不公平的。因此，我只能衷心的說一句：
我羨慕那些有閒情逸致玩Pokémon GO的人。
SJ結語
在同一天空下，對有些人而言，人生真的在不停的戰鬥；對另一些人而言，則是一個悠長假期。那些每天打仗的人，基本上是逆水行舟，不進則退。
原文刊於StealJobs.com，獲授權轉載。StealJobs全面透露各行各業人工，工時，晉升前景，以及入行攻略，歡迎匿名提供收入資料。
【其他熱話】Pokémon GO更新 Nearby功能不是人人有
【其他熱話】蕃茄不宜放雪櫃？9種不應冷藏的食物
