最討厭4種扮晒嘢同事

商業 13:01 2016/08/08

分享:

職場中人,明明恨權力、恨上位、恨出名、恨受愛戴恨到發燒,卻藐藐嘴話︰「我一啲都唔在乎!」

1. 扮晒唔在乎

有一種人,每每標榜如何受前輩、同輩和後輩愛戴,炫耀有幾多人非找他不可後,都會聳聳肩滿不在乎地說︰「其實呢啲嘢於我如浮雲,一啲都唔care囉!」 真正唔care的話,根本唔會放在心上兼攞出嚟講。

2. 扮晒懶高深

有一種人,經常不屑地批評︰「都唔明點解啲人咁鍾意參加研討會, 話就話學術交流,但好表面、好膚淺、好悶、好無意思囉!」其實年年最積極參與、慌人不知的,就是他。

3. 扮晒為貢獻

有一種人,申請部門最高領導位置時宣稱︰「我不在乎這個位置,只為貢獻而來,把我所懂的貢獻這部門。」結果真的坐上領導位置後,對權力的戀棧叫人咋舌。

4. 扮晒好低調

還有一種人,愛出風頭又出唔到,卻經常強調︰「我呢,係好low-profile(低調)嘅人。」天啊,假若一個人根本無條件高調,那他口中的「低調」根本不存在,只屬「想威無得威」而已。

見得多這類口不對心之人,對坦白承認自己想升職、想上位、想多啲人識或更想受歡迎的人,更覺可愛兼真性情。

其實,恨有更高成就、恨多人like做萬人迷本身無問題,有些人性格使然,需要藉工作或社交成就強化存在感,亦有人確實有能力和條件爭取更多更好,只要不踩低人或放毒箭便可。

社交層面上,我寧願選擇此類能對別人、對自己坦白的人做朋友。

若有權揀老闆或領導的話,原則一樣,因為實在厭倦口不對心、講一套做一套、話唔做又做兼做咗又想賴死唔走、lies都time唔到咁多的偽術。

【其他熱話】3種面試「低手」答法 interview 即時玩完

【其他熱話】同事刁難 職場新人如何化解?

【其他熱話】利嘉敏:職場是非精

撰文 : 利嘉敏

欄名 : 攻關女子

緊貼財經時事新聞分析,讚好hket Facebook 專版