有種擋箭牌叫下屬

商業 19:05 2016/06/17

分享:

男神黃子華有句至理名言:「人工嘅一半係比你嚟做嘢, 另一半係比你嚟受氣。」簡直道出了無數打工仔的心聲。不過,人工其實尚有一部分,是用來給你幫上司「揹鑊」,做擋箭牌。

銅鑼灣書店店長林榮基大爆失蹤事件的內情,撞正特首放大假,傳媒今天向署理行政長官追問回應時,見慣風浪的「財爺」曾俊華難掩緊張情緒,竟在鏡頭前接二連三地口窒窒,

我哋一直都係好嚴格咁按照、嚴格咁按照一國兩制原則同埋基本法,嚟處理香港嘅事務,呢個係、係係係係係重要嘅。

 下一句仍然rapper上身,再「窒」,

同我哋亦都要知道,喺香港以外嘅執法機構,喺香港作出執法行動,係、係係、係唔合法嘅,呢個都係我哋唔可以接受嘅。 

二不離三,提到重視香港人的人身安全時,因為「重要的事要說三次」,鬍鬚曾再度「窒機」, 

我哋亦都再重申一點,我哋一直都係好、都係好、好重視,我哋非常之重視香港居民的人身安全。

 到了第4句仍然「口窒窒」

咁我們亦都會繼續,我哋係堅決依法咁保障,香港市民權利,同埋佢哋嘅、同埋佢哋嗰個、同埋個自由。

阿潮覺得CY真是識放假,不過上司避走他方,如果你是曾俊華,面對龐大壓力,可能都會口窒窒。可以如何應對?不妨學下以下3位官場老手:

1.  馮煒光-做老細背後的男人

不想面懵懵「食死貓」,最高level當然是成為老細背後的男人,永遠相信只要搏得老細歡心,成功續約之餘又可以升職加人工。

就好像CY專屬的「白宮發言人」馮煒光,最近就主動在報紙專欄大讚民望低迷的梁振英,例如:

年輕人見到梁振英時都顯得高興。

我還聽大學生說過:見過CY後印象完全改觀。

他更曾自爆陪梁振英去街市買生果:

有一次買骨頭畀佢(梁振英)啲狗食。人養狗,梗係要買骨頭架啦。

世上無難事,只要面皮厚!所以別常常抱怨馮煒光年薪383萬元,只要你Bold大你膽量,上位機會是屬於你的。林榮基都說了句:

我都可以,點解你唔可以?

2. 吳克儉-放大假抖一抖 

平日工作營營役役,一有假期,打工仔總愛離港散心,減減壓。不可不提的當時是「賞楓達人」吳克儉局長,為了放假,他不惜缺席TSA公聽會,即使被輿論批評亦在所不惜。甚至在回港後與學生大談遊日心得,

東京有兩個公園好靚㗎,呢個時候去都好靚㗎,嗰晚我去呢,個湖邊好靚,夜晚睇星好靚,啲紅葉影咗啲燈好唔同,好值得去。

他對假期有多熱愛?從上次吳局長演說時提到城大天台倒塌一事就可以充分反映,

啱啱上個禮拜,本來諗住放假好舒服,點知突然間就有一個綠化天台倒塌嘅問題。

冧樓亦可以無動於衷,相信如果廣大打工仔可以抱着吳局長般對放假的決心,平日中箭再多亦可以有效減壓。

3. 林鄭月娥-凡事不要太上心

向來「好打得」的林鄭月娥,在去年參與政改方案在立法會審議之時,被媒體拍到她在發言之前寫下「『太上心』,要保重身體」的字條,她更稱處理政改是她從政35年以來最艱巨的工作,可謂心力交瘁。

阿潮認為打工仔份糧「包埋受氣」,EQ較為低一點都抵受不了老細和客戶的「咸蝦氣」,尤其對方是固步自封、自以為是的「老海鮮」,所以大家如在辦公室中平白受氣,不妨向林鄭學習,被老細「照肺」時寫字條提點自己,或者索性貼張「莫生氣」在枱頭吧!

現實世界中,絕不會出現「層次高啲員工有層次高啲人工」!「層次高啲員工」只會被用來當層次高的擋箭牌……

各位打工仔自求多福吧!

撰文:潮人

我叫阿潮,係一個人,來自潮洲。低調啲可以叫阿潮,俾面就叫聲潮人,鍾意寫潮文,香港發生咩事我都寫,潮文乜乜乜。

撰文 : 潮人

緊貼財經時事新聞分析,讚好hket Facebook 專版