一田CEO 莊偉忠 退休後忙到想死

商業 18:44 2016/05/05

分享:

一田CEO莊偉忠日前相邀記者朋友參加他的「齋問齋答傳媒茶敘」。一向在新聞界人緣極佳的他,輕輕一喚就叫來了逾30人。

聚會先講「正經嘢」,他透露一田3月的營業額再創新高,而早前在熊本經歷地震後回港即發起籌款計劃,預計第一筆約180萬港元的善款。

交代過「正經嘢」後,隨即進入齋問齋答環節。雖然臨別在即,但記者並無手軟,從日圓滙價、本港零售市道、與新地的關係、會否選特首、對「行李門」及「明報炒安裕」的看法,問到他的遺憾和去向,實在甜酸苦辣樣樣齊。

莊偉忠不諱言,自己是個富感情又眼淺的人,但偏偏在場內「一時感觸」的是另有其人。話說與一田合作多年的公關公司Wasabi,會後為莊送上一本名為「莊偉忠搞事錄」的紀念冊,內裏輯錄了他在一田8年來的重要時刻、說過的金句及部分媒體報道。

公司董事Ruby作了一個統計,謂莊偉忠在8年內共舉行過72個記招,接受過800多次訪問,並刊出了7,350篇報道,是她合作過最勤力的CEO。說罷,Ruby突然語塞兼眼泛淚光,莊偉忠見狀即上前與她擁抱,最後Ruby說:

莊先生在我們心裏是永遠的CEO!

永遠的CEO,說話當然有分量,以下是席間幾條有趣的提問,原汁原味與讀者分享:

Q:近期熱話,特首女兒唔記得攞行李,你平時會否像她一樣無心肝?

A:我經常都冇心肝,但我會覺得叫人攞返件行李好醜,自己的事自己負責任,所有人都係打工,千祈唔好為難人哋,每件事留返半分餘地。如果發生喺我個仔身上,我會叫佢掉咗佢,有證件咪得囉!其他有乜所謂,再唔係之後Ship過去,俾着我唔會咁做!

Q:你離開是否因為新地內部權力鬥爭?現時與新地關係點?

A:我有自己獨立想法,我一直講緊唔做Budget、唔開會,一個集團可以接受到嗎?如非有些胸襟的人怎可能接受到我?嚴格來說,我要多謝郭炳聯先生,他給我好大自由度,自主性高到唔合理。在合作方面,我同佢可以話係如魚得水,因為佢唔想理而我想理晒。但如果講做生意,有意見分歧好平常啫,最緊要過咗冇事唔影響以後合作。

Q:退休後有何去向有甚麼做?

A:去向,冇!3月初被爆辭職後,已不停有機構與我接洽,當中乜嘢大大細細、古靈精怪、騎呢嘢都有。不過我是個沒計劃的人,假設一個月後有壇古靈精怪嘅搵我,我又覺得值得做咪做囉。

冇事發生的話,我咪繼續喺屋企睇Discovery Channel囉。不過未來兩個月已經好多嘢做,手頭上的十幾場演講已排到7月,另外我仲接咗個廣告,大家拭目以待啦!仲要幫朋友寫專欄;六七月出書,仲有4篇稿未交,出版社已安排定演講,所以係想死!

其實我好想做顧問,因為我覺得自己做生意唔差,以我閱歷、經驗,我係可以的,但有冇人願意請我呢?我都唔知。

(節錄)

全文刊於《iMoney智富雜誌》第445期(收費閲讀)

iMoney智富雜誌facebook

撰文 : iMoney智富雜誌

緊貼財經時事新聞分析,讚好hket Facebook 專版