一田CEO莊偉忠5月離任:我係時候退位讓賢

商業 18:29 2016/03/04

分享:

一田行政總額莊偉忠已經辭職,TOPick致電莊偉忠,莊偉忠親自證實辭職消息。莊偉忠表示,早於3月初已向公司管理層請辭,將會工作至5月初離任。莊偉忠強調,離職絕對不是受壓或被迫,而是自己早有去意。

莊偉忠笑言自己一直有退休意思,

無論記者抑或同我深交嘅同事,或者係我Facebook,我都不下講咗50次(退休),我不停講,講到你哋都唔信!

他昨日開記者會公佈一田生意銷售額逆市升5.4%,分享生意經。記者問到莊偉忠,當一田同事得知消息後有何反應?他笑言:「好愕然!」

很多管理層在高位都未必願意退下來,但莊偉忠卻說:

我係一個只向前,不回頭嘅人。我依家好快樂!

問到為何有退下來的意向,莊偉忠立即發揮幽默本色:

可以控制我嘅人,只有一個人,就係我太太。佢同我講:「你可以退休,但唔可以唔做嘢。」咁我咪退休囉!

可以退休但不可以不工作,難道莊偉忠退休後另有大計?莊偉忠說:

我想做啲嘢貢獻社會。我開咗Facebook一年幾,累積咗3萬5000多個fans,每次寫文都有千幾個like,覺得自己反撲歸真的管理影響到好多人,所以想將宣揚開去。

問到如何將自己的管理哲學宣揚開去?是否如以往一樣舉辦講座?莊偉忠說:

Maybe,我聽日都有個Talk。

莊偉忠由2007上任至今,營銷代表作俯拾皆是,他最自豪的是「一田購物優惠日」的活動,令一田百貨自此聲名大噪。莊偉忠稱,一田很多銷售活動都非常成功,但他卻說:

我今年五十幾歲,創作力始終會下降,係時候退位讓賢。我相信江山代有人才出,一代新人勝舊人。

記得今年1月莊偉忠曾於Facebook撰文〈不成功便成仁〉,內文有一句:

過去八年,人哋點諗,唔清楚,自己覺得問心無愧囉

希望莊偉忠退下來後生活依舊開心、精彩!

緊貼財經時事新聞分析,讚好hket Facebook 專版
訂閱《香港經濟日報》電郵通訊
收取第一手財經新聞資訊 了解更多投資理財知識 提交代表本人同意收取香港經濟日報集團所發出的推廣訊息,你也可以查閱本網站的私隱政策使用條款